• Armenianeconomy.com

Ազգային ժողովը գումարել է հատուկ նիստ

15 մայիսի 2020 | Օրենսդրություն | Цитата

ՀՀ Ազգային ժողովը ՀՀ Սահմանադրության 120-րդ հոդվածի 2-րդ մասի եւ «Ազգային ժողովի կանոնակարգ» սահմանադրական օրենքի 48-րդ հոդվածի համաձայն` մայիսի 14-ին իրավունքի ուժով գումարել է Ազգային ժողովի հատուկ նիստ, որի օրակարգում ընդգրկված էր «Հայաստանի Հանրապետությունում 2020 թվականի մարտի 16-ին հայտարարված արտակարգ դրության ժամկետը երկարաձգելու եւ ՀՀ Կառավարության 2020 թվականի մարտի 16-ի N 298-Ն որոշման մեջ փոփոխություններ եւ լրացումներ կատարելու մասին» հարցը:

ՀՀ փոխվարչապետ, պարետ Տիգրան Ավինյանի տեղեկացմամբ` Կառավարությունն առաջարկում է երկարաձգել ՀՀ-ում հայտարարված արտակարգ դրության ժամկետը մինչեւ 2020 թվականի հունիսի 13-ը` ժամը 17:00-ն:

Փախվարչապետն անդրադարձել է համաճարակային ընթացիկ վիճակին, նշել, որ մինչ օրս կատարվել է 36016 թեստավորում, որոնց արդյունքում հաստատվել է Covid-19 կորոնավիրուսային հիվանդությամբ վարակվելու 3860 դեպք, առողջացել է 1572 անձ, այս պահին փաստացի բուժում է ստանում 2218-ը, գրանցվել է մահվան 49 դեպք:

Խոսելով Կառավարության կողմից իրականացված գործողությունների մասին` Տիգրան Ավինյանը նշել է, որ վարակի ներթափանցման փուլում` մինչեւ մարտի 22-ը, մեկնարկել են կորոնավիրուսի դեմ պայքարի առանցքային միջոցառումները` վարակակիրների հայտնաբերում, վարակակիրների համատարած հոսպիտալացում, վերջիններիս շփման շրջանակի նույնականացում եւ մեկուսացում: Փոխվարչապետն ընդգծել է, որ այդ օրերին առողջապահական համակարգը շատ արագ եւ արդյունավետ կերպով մոբիլիզացրել է իր բոլոր կարողությունները եւ ի վիճակի է եղել արձագանքելու մարտահրավերներին:

Զեկուցողը նշել է, որ արդեն երկուսուկես ամիս մեր երկիրն ապրում է համավարակի, երկու ամիս արտակարգ դրության պայմաններում եւ այդ ընթացքում Կառավարության ու պարետատան կողմից իրականացվել են բազմաթիվ գործողություններ` իրավիճակը կառավարելու ուղղությամբ ներդրվել են մի շարք գործիքներ եւ մեխանիզմներ, կիրառվել են սահմանափակումների տարբեր ռեժիմներ:

Պարետը ներկայացրել է հիվանդության տարածումը կանխարգելելու նպատակով Կառավարության նախատեսած թիրախային միջոցառումների չորրորդ փուլի գործողությունների տրամաբանությունը` նշելով, որ գործադիրը որդեգրում է վարակի տարածման դինամիկայով եւ առողջապահական համակարգի կարողություններով պայմանավորված սցենարային մարտավարական կառավարում իրականացնելու գործելաոճ:

Ըստ Տիգրան Ավինյանի` մայիսի 1-ից սկսած որդեգրվել է սահմանափակումների թուլացման մարտավարությունը, հանվել են ազատ տեղաշարժի իրավունքի եւ տնտեսական գործունեության մի շարք տեսակների նկատմամբ կիրառվող սահմանափակումները: Նախատեսվում է, որ մայիսի 18-ից ամբողջովին կգործարկվի հանրային տրանսպորտը, կվերաբացվեն առեւտրի իրականացման վայրերը, հանրային սննդի օբյեկտները կկարողանան ծառայություններ մատուցել նաեւ փակ տարածքներում, կգործեն մարզասրահները, բացօթյա պատմամշակութային վայրերը: Հաշվի առնելով աշխատող ծնողների` մանկահասակ երեխաների խնամքի ապահովման խնդիրը կվերաբացվեն նաեւ նախակրթարանները: Պարետի տեղեկացմամբ` մայիսի 25-ից պարտադիր է դառնալու ոչ միային հանրային փակ, այլեւ հանրային բաց վայրերում դիմակների կրումը. կանոնը խախտողները տուգանվելու են ոստիկանության կողմից:

Հարցուպատասխանի ձեւաչափում պատգամավորները բարձրաձայնել են արտակարգ դրության ժամկետը երկարացնելու հետ կապված մի շարք խնդիրներ, որոնց վերաբերյալ պարզաբանումներ է ներկայացրել Տիգրան Ավինյանը:

ԱԺ հատուկ նիստը, սպառելով օրակարգը, ավարտել է աշխատանքը:

parliament.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Օրենսդրություն
• Քննարկվել են բիզնեսի համար կառուցապատման հեշտացման աշխատանքները• ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011Թ. ՄԱՐՏԻ 24-Ի ԹԻՎ 305-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ• Արձակուրդ՝ մինչև աշխատանքի 6 ամիսը լրանալը, տուժանք՝ աշխատողին արձակուրդ չտրամադրելու դեպքում․ ի՞նչ է առաջարկվում նոր փոփոխություններով• ՀՀ-ն ՑԵՄԵՆՏԻ ՆԵՐՄՈՒԾՄԱՆ ԺԱՄԱՆԱԿԱՎՈՐ ՍԱՀՄԱՆԱՓԱԿՈՒՄ ԿԻՐԱՌԵԼՈՒ, ՆԵՐՄՈՒԾՄԱՆ ԼԻՑԵՆԶԱՎՈՐՄԱՆ ԸՆԹԱՑԱԿԱՐԳԸ ԵՎ ԳԼԽԱՎՈՐ ԼԻՑԵՆԶԻԱՅԻ ՁԵՎԸ ՍԱՀԱՄՆԵԼՈՒ ՄԱՍԻՆ• Ի՞նչ անել, եթե քաղաքացին համաձայն չէ բժշկասոցիալական փորձաքննության որոշման հետ• Ո՞ւմ և ի՞նչ չափով է վճարվում մինչև երկու տարեկան երեխայի խնամքի նպաստը• «Վարչական իրավախախտումների վերաբերյալ Հայաստանի Հանրապետության օրենսգրքում լրացում և փոփոխություններ կատարելու մասին»• «Հայաստանի Հանրապետության կառավարության 2019 թվականի դեկտեմբերի 19-ի N 1845-ն որոշման մեջ լրացումներ և փոփոխություններ կատարելու մասին» ՀՀ կառավարության որոշման նախագիծ• «Խաղաղ նպատակներով ատոմային էներգիայի անվտանգ օգտագործման մասին» ՀՀ օրենքում լրացում կատարելու մասին» և «Հանրային ծառայությունները կարգավորող մարմնի մասին» ՀՀ օրենքում փոփոխություններ կատարելու մասին» ՀՀ օրենքի նախագծեր

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն