• Armenianeconomy.com

Քննարկվել են երկրի գլխավոր ֆինանսական փաստաթղթում փոփոխություններ կատարելուն եւ ֆինանսական ոլորտին առնչվող օրինագծեր

29 ապրիլի 2020 | Օրենսդրություն | Цитата

ՀՀ ԱԺ ֆինանսավարկային եւ բյուջետային հարցերի մշտական հանձնաժողովը Մանե Թանդիլյանի նախագահությամբ ապրիլի 28-ին հրավիրած արտահերթ նիստում քննարկել է ՀՀ ԱԺ ապրիլի 28-ի արտահերթ նիստի օրակարգում ընդգրկված «ՀՀ 2020թ. պետական բյուջեի մասին» օրենքում փոփոխություն եւ լրացումներ կատարելու մասին» օրենքի նախագիծը:

Ըստ ՀՀ ֆինանսների նախարար Ատոմ Ջանջուղազյանի՝ 2019 թվականի դեկտեմբերին Չինաստանում բռնկված եւ կարճ ժամանակահատվածում տարբեր երկրներում տարածված կորոնավիրուսային վարակը 2020թ. մարտի 11-ին Առողջապահության համաշխարհային կազմակերպության կողմից ճանաչվել է որպես պանդեմիա, քանի որ վարակի աշխարհագրական սահմանները ներառում են աշխարհի երկրների մեծ մասը: Նրա հավաստմամբ՝ վիրուսի ինտենսիվ տարածումը հղի է նաեւ լուրջ տնտեսական հետեւանքներով թե՛ միջազգային, թե՛ տեղական մասշտաբով: Բոլոր միջազգային հեղինակավոր կազմակերպությունների գնահատականներով համաշխարհային եւ առանձին երկրների տնտեսական զարգացումները կընթանան ելակետայինի համեմատ ավելի վատատեսական սցենարներով:

Նախագծով առաջարկվում է թույլատրել ՀՀ կառավարությանը կորոնավիրուսային վարակի դեմ պայքարի, հիվանդության հետեւանքների (այդ թվում նաեւ՝ տնտեսական) չեզոքացման եւ վերացման նպատակով փոփոխություններ կատարել ՀՀ 2020թ.-ի պետական բյուջեում՝ ապահովելով հիվանդության դեմ պայքարի համար անհրաժեշտ գործիքակազմ:

Նախարարի խոսքով՝ պատմական տվյալները ցույց են տալիս, որ տնտեսական անկման պայմաններում հարկային եկամուտները նվազում են ավելի շատ, քան ՀՆԱ-ն, հետեւաբար տեղի է ունենում նաեւ հարկեր/ՀՆԱ-ի անկում: Նոր կորոնավիրուսի պատճառով առաջացած ներքին եւ արտաքին բացասական գործոնների ազդեցությամբ սպասվում է նաեւ հարկեր/ՀՆԱ հարաբերակցության նվազում: 2020թ. անվանական ՀՆԱ-ն պետական բյուջեի հիմքում դրված ՀՆԱ-ի նկատմամբ կլինի ավելի ցածր: Հաշվի առնելով նաեւ հարկեր/ՀՆԱ-ի կրճատումը՝ 2020թ.-ին սպասվում է հարկային եկամուտների զգալի նվազում: Այս պարագայում պետական բյուջեով նախատեսված ծախսերը, ինչպես նաեւ ՀՀ կառավարության կողմից տնտեսական աջակցության հավելյալ միջոցառումներն իրականացնելու համար կառաջանա լրացուցիչ ֆինանսավորման կարիք: Արդյունքում պետական բյուջեի պակասուրդը կաճի եւ անհրաժեշտություն կառաջանա ներգրավել նաեւ պետական պարտք՝ ներքին եւ արտաքին աղբյուրներից: ՀՀ տնտեսությունում ներկայումս կիրառվող սահմանափակումների եւ արտաքին աշխարհից ներթափանցող ռիսկերի, ինչպես նաեւ Կառավարության կողմից այդ զարգացումներին հակազդելու համար կիրառվող 150 մլդ աջակցության փաթեթների ազդեցության արդյունքում գնահատվել է, որ 2020թ-ին իրական ՀՆԱ-ն կնվազի շուրջ 2 տոկոսով: Տնտեսական անկման պայմաններում գնահատվել է, որ 2020թ.-ին հարկային եկամուտները պետական բյուջեի սցենարի համեմատ կնվազեն մոտ 169.1 մլդ դրամով: Արդյունքում, անփոփոխ պահելով ծախսերի մակարդակը եւ ներառելով 150 մլդ դրամ տնտեսության օժանդակության փաթեթները՝ պետական բյուջեի պակասուրդը կաճի՝ հասնելով ՀՆԱ 5.0%-ի, իսկ պետական բյուջեի լրացուցիչ ֆինանսավորման կարիքը կկազմի շուրջ 260 մլդ դրամ: 2020 թ-ին նախատեսված 4,9 տոկոս տնտեսական աճի փոխարեն կարձանագրվի 2 տոկոս անկում:

Կիրականացվեն նախատեսված բոլոր սոցիալական ծրագրերը: Բյուջեի ծախսային մասը չի նախատեսվում նվազեցնել, ինչն, ըստ բանախոսի, կմեղմի սպասվելիք կորուստները:

Պատգամավորները բարձրաձայնել են բազմաթիվ հարցեր:

Մշտական հանձնաժողովի նախագահի տեղակալ Արտակ Մանուկյանը հարակից խոսքում կարեւորել է Կառավարությանը պետական բյուջեում փոփոխություններ կատարելու իրավասությամբ օժտելն ու գործընկերներին կոչ արել կողմ քվեարկել: Քննարկման արդյունքում հանձնաժողովականները նախագծին տվել են դրական եզրակացություն:

parliament.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Օրենսդրություն
• Քննարկվել են բիզնեսի համար կառուցապատման հեշտացման աշխատանքները• ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011Թ. ՄԱՐՏԻ 24-Ի ԹԻՎ 305-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ• Արձակուրդ՝ մինչև աշխատանքի 6 ամիսը լրանալը, տուժանք՝ աշխատողին արձակուրդ չտրամադրելու դեպքում․ ի՞նչ է առաջարկվում նոր փոփոխություններով• ՀՀ-ն ՑԵՄԵՆՏԻ ՆԵՐՄՈՒԾՄԱՆ ԺԱՄԱՆԱԿԱՎՈՐ ՍԱՀՄԱՆԱՓԱԿՈՒՄ ԿԻՐԱՌԵԼՈՒ, ՆԵՐՄՈՒԾՄԱՆ ԼԻՑԵՆԶԱՎՈՐՄԱՆ ԸՆԹԱՑԱԿԱՐԳԸ ԵՎ ԳԼԽԱՎՈՐ ԼԻՑԵՆԶԻԱՅԻ ՁԵՎԸ ՍԱՀԱՄՆԵԼՈՒ ՄԱՍԻՆ• Ի՞նչ անել, եթե քաղաքացին համաձայն չէ բժշկասոցիալական փորձաքննության որոշման հետ• Ո՞ւմ և ի՞նչ չափով է վճարվում մինչև երկու տարեկան երեխայի խնամքի նպաստը• «Վարչական իրավախախտումների վերաբերյալ Հայաստանի Հանրապետության օրենսգրքում լրացում և փոփոխություններ կատարելու մասին»• «Հայաստանի Հանրապետության կառավարության 2019 թվականի դեկտեմբերի 19-ի N 1845-ն որոշման մեջ լրացումներ և փոփոխություններ կատարելու մասին» ՀՀ կառավարության որոշման նախագիծ• «Խաղաղ նպատակներով ատոմային էներգիայի անվտանգ օգտագործման մասին» ՀՀ օրենքում լրացում կատարելու մասին» և «Հանրային ծառայությունները կարգավորող մարմնի մասին» ՀՀ օրենքում փոփոխություններ կատարելու մասին» ՀՀ օրենքի նախագծեր

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն