• Armenianeconomy.com

ԵԱՏՄ մաքսատուրքերի արտոնությունները հայաստանյան բիզնեսին զարգանալու հնարավորություն կտան

Հայաստանն ամենօրյա ռեժիմով աշխատանք է տանում, որ հնարավորինս շուտ ուժի մեջ մտնի ԵԱՏՄ շրջանակում ևս մեկ տարի ժամկետով  մաքսային արտոնություն ստանալու հարցը:  Համաձայնությունը ձեռք է բերվել անդամ երկրների ղեկավարների մակարդակով: «Արմենպրես»-ի հաղորդմամբ՝ այս մասին լրագրողների հետ ճեպազրույցում այս մասին խոսեց ՀՀ էկոնոմիկայի փոխնախարար Վարոս Սիմոնյանը:

«Ընդհանուր առմամբ 930 ապրանքային խմբի դասվող մաքսատուրքերի արտոնություն Հայաստանն ուներ մինչև 2020 թվականի հունվարի 1-ը: Ներկայացված որոշման նախագծով՝ բացառության 87 ապրանքային խմբին դասվող տրանսպորտային միջոցների, կերկարաձգվի 647 անուն ապրանքատեսակների մաքսատուրքերի՝ 2019 թվականին կիրառվող մաքսատուրքերի դրույքաչափերի կիրառումը»,-ասաց Սիմոնյանը:

Նա նշեց՝ եթե համեմատենք 2019-ի ընդհանուր ներմուծումների հետ՝ սպասվելիք արտոնությունը թույլ կտա խնայել տնտեսավարողների կողմից մոտ 30 մլն դոլարի չափով մաքսատուրք: Այդ խնայված միջոցները թույլ կտա վերջիններիս կիրառել իրենց բիզնեսի զարգացման մեջ կամ ավելի հստակ կազմակերպել իրենց բիզնես գործողությունները, ծրագրերը: Արտոնությունը հնարավորություն կտա թուլացնել մաքսատուրքերի մասով բիզնեսի վրա կիրառվող բեռը:

Արտոնությունը սակայն ուժի մեջ կմտնի միայն ԵԱՏՄ անդամ բոլոր երկրներում համապատասխան ընթացակարգերն անցնելուց հետո: Հարցին, թե հնարավոր է արդյոք, որ անդամ որևէ երկիր խոչընդոտի սրան՝ Սիմոնյանը քիչ հավանական համարեց։ «Դեկտեմբերի 25-ին Սանկտ Պետերբուրգում երկրների ղեկավարների մակարդակով տեղի ունեցած հանդիպմանը արդեն իսկ համաձայնությունը ձեռք է բերվել»,-վստահեցրեց նա:

Փոխնախարարը վստահեցրեց՝ ԵԱՏՄ բոլոր անդամ երկրների կողմից իրականացվում են քայլերը, ամենօրյա ռեժիմով կապի մեջ են, որ հնարավորինս շուտ բոլոր երկրների մասով փաստաթղթերը ստորագրվի, և այն շուտ ուժի մեջ մտնի: Նման արտոնություն կստանա ԵԱՏՄ երկրներից նաև Ղրղզստանը:

Անդրադառնալով հարցին, թե արդյոք նախատեսվող փոփոխությունը կկրի հետադարձ ուժ՝ այսինքն` ինչ կլինի այն տնտեսավարողների հետ, որոնք հունվար-փետրվարին արդեն ներմուծում էին կատարել նոր՝ բարձրացված դրույքաչափերով՝ նա նշեց՝ այս հարցը պահանջում է  լրացուցիչ քննարկում, որը կապված է վարչարարության հետ՝ հնարավոր խոչընդոտները և ռիսկերը հասկանալու համար: Փոխնախարարը կարծում է, որ բոլոր միջոցները կձեռնարկվեն, որ հավասար մոտեցում լինի բոլորի նկատմամբ: «Համաձայն արձանագրության՝ նման տեսակի փոփոխությունները կիրառվում են հունվարի 1-ից ծագած իրավահարաբերությունների վրա: Նման տեսակի արտոնություններ չեն տրվում մի քանի ամսով կամ կես տարով: Պետք է կիրառվեն այնպիսի մեխանիզմներ, որ մինչև արձանագրության ուժի մեջ մտնելը ներմուծողները և դրանից հետ ներմուծողները չգտնվեն տարբեր իրավիճակներում»,-ասաց նա:

Սիմոնյանը նկատեց՝ միևնույն ժամանակ ԵԱՏՄ անդամակցությամբ պայմանավորված մաքսատուրքերի բարձրացումը թույլ է տալիս տեղական արտադրողներին զարգացնել իրենց արտադրությունը և ունենալ որոշակի չափի պաշտպանվածություն՝ երրորդ երկրներից ներմուծվող ապրանքների նկատմամբ: Նախարարությունը դեռ անցյալ տարի իրականացրած հաշվարկներով եկել էր այն եզրահանգմանը, որ հունվարի 1-ից   մաքսատուրքերի բարձրացման ազդեցությունը գնաճի վրա չի գերազանցի 0.5 տոկոսը: Դա առաջին հերթին նշանակում է, որ ունենք տեղական արտադրության աճ, բացի այդ ներմուծում ենք կատարում այն երկրներից, որոնց հետ ունենք արտոնյալ առևտրային ռեժիմներ:  2018-ին 2017-ի համեմատ Հայաստանում արձանագրվել է հավի մսի տեղական արտադրության 35 տոկոս աճ: «Այսինքն` հավի մսի մաքսատուրքի 3 տոկոս բարձրացումը մեծ ազդեցություն չէր ունենալու սպառողական զամբյուղի վրա: 5 տարին մեծ ժամանակահատված էր տեղական արտադրության համար՝ կողմնորոշվելու և տեղական շուկայում իրենց դիրքերը զբաղեցնելու համար: Եվ 2020 թվականից հետո ունենալու ենք միասնական ընդհանուր մաքսատուրքեր ԵԱՏՄ բոլոր անդամների հետ»,-ասաց Սիմոնյանը:

Կառավարությունը փետրվարի 27-ի նիստում հավանություն տվեց «Հայաստանի՝ «Եվրասիական տնտեսական միության մասին» 2014-ի մայիսի 29-ի պայմանագրին միանալու մասին» պայմանագրում փոփոխություններ կատարելու մասին» արձանագրությունը ստորագրելու առաջարկությանը: ԵԱՏՄ անդամակցությամբ պայմանավորված Հայաստանին անցումային շրջանում տրվել էին մաքսային արտոնություններ՝ երրորդ երկրներից ներկրվող մի շարք ապրանքների մասով: Արտոնյալ ժամկետն ավարտվել էր 2020-ի հունվարի 1-ին:

b24.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Միջազգային համագործակցություն
• Մեկնարկել է «Ձեռներեցության աշխարհի գավաթ 2021» մրցույթի հայտագրումը• Տեղի է ունեցել «Հայաստան՝ աջակցություն հակամարտությունից տուժած ընտանիքներին» ծրագրի հանրային քննարկումը• ԵԱՏՄ անդամ երկրներում մեկնարկել է ձեռնարկատիրության աջակցության նոր ծրագիր• Ռուսաստանյան, չինական, արաբական ընկերությունները հետաքրքրված են ՀՀ-ի վերականգնվող էներգետիկայի շուկայով• Վերակառուցման և զարգացման միջազգային բանկի և ՀՀ Կառավարության համագործակցության շրջանակում գումար կհատկացվի արցախահայության աջակցության ծրագրերին• Նախարարի տեղակալ Վ․ Տերտերյանը մասնակցել է «Հայաստանում ՏԻՄ-երի ֆիսկալ ինքնավարության և ֆիսկալ կարողությունների բարձրացում» թեմայով տեսակոնֆերանսին• Հայաստանն ու Ղազախստանը կարևորել են Երևան-Նուր-Սուլթան-Երևան ուղիղ ավիաչվերթի վերաբացումը• «Արդյունաբերությունը ԵԱՏՄ տնտեսական համակարգի շարժիչ ուժերից է». Նիկոլ Փաշինյանի ելույթը Կազանում• «Մաջիդ Ալ Ֆութաիմ Գրուպ, Քարֆուր Հայաստանը» կընդլայնի իր գործունեությունը Հայաստանում․ Վահան Քերոբյանը հանդիպում է ունեցել գլխավոր տնօրեն Վաչե Արսենի հետ

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն