• Armenianeconomy.com

Աշխատանքի ընդունվելիս աշխատանքային գրքույկների պարտադիր պահանջը կհանվի

13 մայիսի 2015 | Հարկային-մաքսային | Цитата

ՀՀ աշխատանքային օրենսգրքում նախատեսվող փոփոխությունների համաձայն` աշխատանքի ընդունվողների համար աշխատանքային գրքույկ վարելու՝ գործատուի պարտավորությունը կհանվի: Այս մասին լրագրողների հետ հանդիպման ընթացքում ասաց ՀՀ աշխատանքի և սոցիալական հարցերի նախարարության Աշխատանքի և զբաղվածության վարչության պետ Թադևոս Ավետիսյանը՝ հավելելով, որ Կառավարությունը «Աշխատանքային օրենսգրքում փոփոխություններ և լրացումներ անելու մասին» ՀՀ օրենքի նոր նախագիծն արդեն ներկայացրել է Ազգային ժողով:

«Միջազգային փորձն ենք վերլուծել, և շատ քիչ երկրներ են, որ դեռևս պահում են աշխատանքային գրքույկի ինստիտուտը: Դա աշխատանքային հարաբերություններում ավելորդ գործընթաց է: Աշխատանքային գրքույկները կփոխարինվեն էլեկտրոնային համակարգով»,- նշեց նա:

Հաջորդ փոփոխությունը, ըստ Թ.Ավետիսյանի, վերաբերում է «մասնագիտական ստաժ» հասկացությանը. «Այսուհետ, եթե դու աշխատում ես քո մասնագիտական կրթության համաձայն, ապա կրթությունդ նույնպես համարվում է մասնագիտական ստաժ: Եթե չես աշխատում քո մասնագիտությամբ, ապա համարվում է պարզապես ստաժ, ոչ թե մասնագիտական ստաժ: Մասնագիտական աշխատանքային ստաժը, դա մասնագիտական կրթություն ստանալուց հետո է, լրացվում է նաև այն, որ նա անցել է որոշակի ուսուցում և այդ դեպքում արդեն իսկ փորձաշրջանի անհրաժեշտություն չի լինում: Այս ամենի համար սահմանվել է մասնագիտական ուսուցման կանոնակարգված համակարգ»:

Նա նաև ասաց, որ փորձաշրջանի պայմանները, ամենամյա արձակուրդի տեսակը և դրա տևողությունը նախատեսվել է ամրագրել աշխատանքային պայմանագրում:

«Ունենք ամենամյա արձակուրդ, որի նվազագույն չափը 20 աշխատանքային օրն է: Բայց շատ հաճախ աշխատողները և գործատուները չեն տիրապետում իրենց արձակուրդի իրավունքին, և սրա իրացման տեսանկյունից այս լրացումները շատ կարևոր են»,- ասաց Թադևոս Ավետիսյանը:

Շարունակելով ներկայացնել օրենսգրքում նախատեսվող փոփոխությունները, աշխատանքի և զբաղվածության վարչության պետը թվարկեց, թե սահմանվել են մինչև 14 տարեկան անձանց աշխատանքային գործունեության թույլատրելի ոլորտները, վերացվել է մինչև 18 տարեկան աշխատողների նկատմամբ աշխատաժամանակի գումարային հաշվարկ կիրառելու գործատուի իրավունքը:

Բացի այդ, կանոնակարգվել է 65 տարին լրացած անձանց աշխատանքային կանոնադրությունը. «Այսուհետ 65 տարին լրացած անձը կարող է շարունակել աշխատանքը՝ գործատուի հետ երկարձգելով աշխատանքային պայմանագիրը մինչ 2 տարի: Սակայն պետք է նաև հստակեցվի և հիմնավորվի նրա մասնագիտական գիտելիքները և այն, որ համապատասխան աշխատանքում կա նրա անհրաժեշտությունը»:

novostink.ru


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն