• Armenianeconomy.com

ՌԴ ԱԳ փոխնախարար. Ռուսաստանն անում է ամեն բան Տրանսկովկասյան երկաթուղին բացելու համար

18 նոյեմբերի 2012 | Տրանսպորտ, Հարկային-մաքսային | Цитата

Հայաստանը եւ քաղաքական եւ տնտեսական առումներով մոտ է Մաքսային միությանն անդամակցած եւ չանդամակցած երկրների ներկայացուցիչներին: Այս մասին հայտարարել է Ռուսաստանի ԱԳ նախարարի առաջին տեղակալ Անդրեյ Դենիսովը, «Ռուսաստանի ձայները» դեսպանների ակումբում «Եվրասիանական համագործակցություն. Հեռանկարներ եւ մարտահրավերներ» քննարկման ժամանակ, պատասխանելով Մաքսային միությանը Հայաստանի անդամակցման հնարավորության մասին հարցին, հաշվի առնելով, որ Հայաստանը սահման չունի այդ միության երկրների հետ:

«Հայաստանի հետ հարաբերությունները զարգանում են եւ այդ հարաբերությունները շատ սերտ բնույթ են կրում: Ինչ վերաբերում է Մաքսային միությանը, ապա դուք ինքներդ սահմանեցիք որոշակի խնդիրները, որոնք ակամա ի հայտ են գալիս. Խոսքը ընդհանուր սահմանների բացակայության մասին է: Դա, իսկապես, աշխարհգրական գործոն է, բայց դա ունի նաեւ իր տնտեսական չափումը: Որքան ես գիտեմ, Հայաստանը, ինչպես նաեւ Ուկրաինան, պետական զարգացման ռազմավարության տեսանկյունից առաջնությունը տալիս է եվրատլանտյան համագործակցությանը: Մենք դրանում ոչ մի վատ կամ լավ բան չենք տեսնում, դա Հայաստանի ընտրությունն է»,-ասել է նա, հավելելով, որ դա բոլորովին չի բացառում սերտ համագործակցությունը, այդ թվում Ազատ առեւտրի գոտու պայմանագրի շրջանակներում:

«Ինչ վերաբերում է երկաթուղու գործունեության վերականգնմանը, այդ հարցը բարձրացվել է նաեւ նախկինում: Բոլորին քաջ հայտնի է եւ հասկանալի է, թե որքան կարեւոր է այդ երկաթուղու գործարկումը: Եթե հանգամանքները թույլ տան, մենք, իհարկե, ուրախ կլինենք վերականգնել այդ երկաթուղին: Ռուսական կողմը, բոլոր դեպքերում, պատրաստ է անել ամեն բան, որպեսզի դա ստացվի»,-ասել է Դենիսովը:

Աղբյուրը՝ www.news.am

Լուսանկարը՝ www.news.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն