Երեւանյան շուկաներում եւ մանրածախ առեւտրի կետերում նկատվում է ալյուրի գնի էժանացում: Մանրածախ առեւտրի կետերում էժանացումն ավելի դանդաղ է ու ոչ համատարած' 1 կգ բարձր կարգի ալյուրը ինչպես եւ 1 ամիս առաջ վաճառվում է 280 դրամով: Սակայն մեծածախ առեւտրի կետերում ալյուրի գնի նվազումը զգալի է:
Այսպես' «Մանանա գրեյն» ընկերությունը ներկայում ալյուրի պարկը (50 կգ) բաց է թողնում 11.6 հազ. դրամով' 1 ամիս առաջվա 12.8 հազ. դրամի համեմատ: Ընկերության գլխավոր տնօրեն Գուրգեն Նիկողոսյանը NEWS.am-ին ասաց, որ էժանացումը պայմանավորված է ռուսական նավահանգիստներում բարձրակարգ ցորենի գնի նվազմամբ' 310 դոլարից մինչեւ 245 դոլար 1 տոննայի համար: «Հենց առաջին խմբաքանակը էժան բերեցինք' ալյուրի գինն անմիջապես նվազեցրինք»,- ասաց Գ. Նիկողոսյանը: Նրա ներկայացմամբ' գնի ավելի նվազմանը խոչընդոտում է էլեկտրաէներգիայի թանկացումը:
«Սուրմալու» տոնավաճառում եւս նկատվում է ալյուրի էժանացում, սակայն ոչ այն տեմպերով, ինչպես գործարանային գների դեպքում: «Մանանա Գրեյնի» բարձր կարգի ալյուրը (Արմաշի ալյուր) հուլիսի 24-ին այնտեղ վաճառում էին պարկը 12.8 հազ. դրամով' 1 ամիս առաջվա 13.2 հազ. դրամի համեմատ: Հնարավոր է' նմանատիպ մեծածախ բազաներում ալյուրն առաջիկայում մի փոքր էլ էժանանա:
Ալյուրի էժանացումը կանխել է հացի համատարած թանկացումը: Հացարտադրողները մեծամասամբ գին չեն բարձրացրել, սակայն հացի որոշ գնաճ, այնուամմենայնիվ, առկա է: Այսպես' մեր դիտարկումները ցույց տվին, որ «Սուրիկի լավաշը» (580 գրամ) սուպերմարկետներում վերջին 1 ամսում 590 դրամից բարձրացել է մինչեւ 650 դրամ: Սակայն հնարավոր է' դա պայմանավորված լինի այլ գործոններով:
Նշենք, որ միջազգային շուկաներում ցորենի գինը կայունացել է բավական «տանելի» մակարդակում' տոննան 240-270 դոլար: Դա պայմանավորված է ինչպես ցորենի, այնպես էլ եգիպտացորենի բարձր բերքով: Այսպես' Ռուսաստանը հուլիսի 1-17 ժամանակահատվածում արտահանել է 902 հազ. տոննա ցորեն' 10.4%-ով ավելի, քան նախորդ տարի:
Աղբյուրը՝ news.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться