Մենք մտադիր ենք մեր տեխնոլոգիաները խթանել հայկական շուկա. China XD-ի գործադիր տնօրեն

Հայաստանն ունի բաց ներդրումային քաղաքականություն, մենք մտադիր ենք մեր տեխնոլոգիաները խթանել հայկական շուկա, հատկապես շինարարության և ենթակառուցվածքների ոլորտում։ Այս մասին NEWS.am-ի թղթակցի հետ զրույցում ասաց China XD Electric Engineering Co.LTD-ի գլխավոր մենեջեր Գիլբերտ Չժաոն։

Չինական ընկերության ներկայացուցչի խոսքով՝ Հայաստանը կարևոր գործընկեր է ոչ միայն բուն ընկերության, այլև Չինաստանի համար` «Մեկ գոտի՝ մեկ ճանապարհ» ծրագրի շրջանակներում հարաբերությունների զարգացման ռազմավարության մեջ։

«Հայաստանի քաղաքականությունը բաց և թափանցիկ է ներդրումների համար: Մենք վստահ ենք, որ կարող ենք հաջողությունների հասնել ձեր երկրում։

Բացի «Աշնակ» էլեկտրական ենթակայանի ծրագրից, որի վերակառուցմամբ մենք էինք զբաղվում, մեր ընկերությունը նաև զբաղվում էր նմանատիպ նախագծում Վանաձորում, որը մեզ համար շատ կարևոր էր, քանի որ մենք շատ օգտակար փորձ ձեռք բերեցինք ձեր շուկան հասկանալու առումով:

Ուստի մենք վստահ ենք, որ ապագայում կարող ենք բարձրորակ ծառայություններ մատուցել ձեր երկրին»,- ասաց պարոն Ժաոն։

Նաև, China XD-ի գլխավոր տնօրենի խոսքով, իր ընկերության ղեկավարությունը և Չինաստանի կառավարությունը բարձր են գնահատում ընկերության աշխատանքը Հայաստանում։

«Աշնակ ենթակայանի շահագործումը մեծ նշանակություն ունի մեր կորպորացիայի համար։ Մեզ համար սա առաջին նման խոշոր նախագիծն է արտերկրում։ Չինաստանի Ժողովրդական Հանրապետության կառավարությունը, Չինաստանի Ժողովրդական Հանրապետության դեսպանության ներկայացուցիչները, ՉԺՀ դեսպան պարոն Ֆան Յոնգի հետ միասին ուշադրություն դարձրին մեր աշխատանքին, այցելեցին նախագիծը և հետևեցին աշխատանքի առաջընթացին »,- ասաց պարոն Չժաոն։

news.am