ՀՀ գյուղատնտեսության նախարար Սերգո Կարապետյանը հուլիսի 23-ին ընդունել է ՄԱԿ-ի Պարենի և գյուղատնտեսության կազմակերպության (ՊԳԿ) Կենտրոնական և Արևելյան Եվրոպայի տարածաշրջանային ներկայացուցչի տեղակալ, Հայաստանում ՊԳԿ ներկայացուցիչ Անտոնիո Ալոնզիին: Նախարարն ընգծել է ՊԳԿ-ի Հայաստանում իրականացվող գյուղատնտեսական 6 ծրագրերի արդյունավետությունը և հույս հայտնել, որ տեխնիկական պատճառներով հետաձգված սպանդանոցների արդիականացման ծրագիրը հաջորդ տարի կներառվի ծրագրում:
Սերգո Կարապետյանը շեշտել է կազմակերպության տեխնիկական աջակցմամբ իրականացված ծիրանի գենետիկ ռեսուրսների պահպանման ծրագիրը՝ առաջարկելով քննարկել նաև խաղողի գենետիկ ռեսուրսների օգտագործման և պահպանման նախագծի հնարավորությունը: Շնորհակալություն հայտնելով ընդունելության համար և հավաստիացնելով, որ պատրաստ է հնարավորինս նպաստել ՊԳԿ-ի կողմից Հայաստանում իրականացվող ծրագրերի իրականացմանը՝ պարոն Ալոնզին զրուցակցին հայտնել է, որ առիթ է ունեցել լինել իրենց օժանդակությամբ ստեղծված ծիրանի այգում և տնկել իր ծիրանենին: Գյուղնախարար Սերգո Կարապետյանը Հայաստանում ՊԳԿ ներկայացուցիչ Անտոնիո Ալոնզիին ներկայացրել է ծիրանի թանգարան հիմնելու գաղափարը՝ նշելով, որ ծիրանի հայրենիք Հայաստանում նրա գոյությունը խորհրդանշական կլինի:
Աղբյուրը՝ minagro.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться