Ապագայում Հայաստանի եւ ԱՄԷ-ի միջեւ կկնքվի սննդի անվտանգության վերաբերյալ համաձայնագիր, որը թույլ կտա, որ հայկական ապրանքները ավելի լավ հասանելիություն ունենան ԱՄԷ շուկայում, ինչը կարեւոր քայլ է արտահանման խթանման համար, հայ-էմիրաթական բիզնես ֆորումից առաջ լրագրողների հետ զրույցում նշեց ՀՀ էկոնոմիկայի նախարար Վահան Քերոբյանը:
«Բացի այդ, մենք աշխատում ենք մեր իրանցի գործընկերների հետ, որպեսզի տրանզիտը Իրանով դեպի Ծոցի երկրներ հեշտանա և դառնա ավելի մատչելի: Այդ ուղղությամբ աշխատանքներ կան, նաեւ արտահանում կա, ուղղակի մեր նպատակն է այնպես անել, որ լոգիստիկ կապերի լավացման միջոցով մենք առեւտուրը դարձնենք ավելի անկաշկնդ եւ ավելի ծաղկող: Բացի ապրանքների ազատ առեւտրից, մենք հիմա մոտ ապագայում ԱՄԷ-ի հետ կկնքենք ծառայությունների եւ ներդրումների ազատ առեւտրի համաձայնագիրը»,-ասաց նա:
Ինչ վերաբերում է ԵԱՏՄ-ի հետ ազատ առեւտրի համաձայնագրին, Քերոբյանը նշեց, որ այստեղ գլխավոր դերակատարը ԵԱՏՄ-ի կողմից Ռուսաստանն է, իրենք են գլխավոր բանակցողը. «Բայց մենք ուշադիր հետեւում ենք, որ Հայաստանի շահերը պատշաճ ձեւով պաշտպանվեն: Ցանկացած տիպի առեւտրի հեշտացում բերում է տվյալ երկու երմրների ժողովուրդներին ավելի մեծ բարեկեցություն, ավելի լավ տնտեսական կապեր ու հնարավորություններ», - ընդգծեց նախարարը:
aysor.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться