Չեխ գործարարները կայցելեն Հայաստան. hետաքրքրող ոլորտներն են ավիացիան, տեքստիլը, վերականգնվող էներգետիկան

Հայաստան-Չեխիա հարաբերությունները բարձր մակարդակի վրա են, առկա է համագործակցության մեծ ներուժ: Ամփոփելով ՀՀ վարչապետի գլխավորած պատվիրակության այցը Չեխիա` ՀՀ էկոնոմիկայի նախարարի տեղակալ Նարեկ Տերյանը, որը պատվիրակության կազմում էր, «Արմենպրես»-ի հետ զրույցում նշեց, որ այն  լրացուցիչ խթան է Հայաստանի ներդրումային հնարավորությունները ներկայացնելու, նոր գործընկերներ գտնելու առումով:  

ՀՀ վարչապետի` Չեխիա կատարած այցի շրջանակում անցկացվել է միջկառավարական տնտեսական համաժողով և գործարար համաժողով: Հայաստանից Չեխիա մեկնել էր 25 գործարար ամենատարբեր ոլորտներից:

«Չեխ տնտեսվարողներին մանրամասն ներկայացրել ենք Հայաստանի ներդրումային հնարավորությունները, արդիականացված ծրագրերը, իսկ հայ գործարարները կարողացել են նոր գործընկերներ գտնել: Մեր հարաբերությունները Չեխիայի հետ ակտիվ զարգանում են: Նախորդ տարի աճել է առևտրաշրջանառության ծավալը: Այս տարի այդ միտումը ևս պահպանվել է: Այս միջոցառումները լավ հիմք են, որ մեր տնտեսվարողները կարողանան շփվել չեխ գործարարների հետ, գտնել համագործակցության նոր ուղիներ»,-ասաց Նարեկ Տերյանը:

Որպես արդյունք Նարեկ Տերյանը նշեց, որ Հայաստանի և Չեխիայի գործարարները փոխգործակցության պայմանավորվածություններ են ձեռք բերել տարբեր ոլորտներում: Ճիշտ է, Չեխիայում երկու երկրների վարչապետների ասուլիսի ժամանակ խոսվեց փոքր ավիացիայի ոլորտում փոխադարձ հետաքրքրության մասին, սակայն տեքստիլի և վերականգնվող էներգետիկայի ոլորտում ևս համագործակցության հնարավորություններ են նախանշվում: Մոտակա ժամանակահատվածում սպասվում է չեխ գործարարների այցը Հայաստան, որպեսզի տեղում ծանոթանան փոխգործակցության, ինչու ոչ, համատեղ արտադրության հնարավորություններին:

«Չեխիայի գործարարները կայցելեն Հայաստան: Ինչպես արդեն ասվել էր, չեխական ընկերությունը հետաքրքրված է Հայաստանում փոքր ինքնաթիռների արտադրությամբ: Արտադրությունը պլանավորվում է իրականացնել Լոռու մարզում: Խոսքը փոքր ինքնաթիռների մասին է՝ նախատեսված մինչև 6 հոգու համար: Կարծում եմ, որ Չեխիայի ու Հայաստանի գործընկերները դեռ ճանապարհ ունեն անցնելու մինչև հիմնեն ինքնաթիռների արտադրությունը, բայց այստեղ կարևորն այն, որ  առաջին քայլերն արդեն արված են»,-ասաց Նարեկ Տերյանը:

Էկոնոմիկայի նախարարի տեղակալը նշեց, որ չեխ գործարարները հետաքրքրված են նաև արևային պանելների արտադրությամբ: Նարեկ Տերյանն ընդգծեց, որ օտարերկրյա ներդրումները կարևոր են Հայաստանի տնտեսության զարգացման համար: Կառավարությունը տարբեր միջոցառումներով ու ծրագրերով նպաստում է ներդրումային միջավայրի բարելավմանը:

ՀՀ վարչապետ Նիկոլ Փաշինյանի գլխավորած պատվիրակությունը մայիսի 4-ին երկօրյա այցով Չեխիայում էր: Հանդիպումներ են տեղի ունեցել Չեխիայի կառավարության ղեկավար Պետր Ֆիալայի, Չեխիայի նախագահ Պետր Պավելի, խորհրդարանի Պատգամավորների պալատի նախագահ Մարկետա Պեկարովա Ադամովայի, Սենատի նախագահ Միլոշ Վիստարչիլի հետ: Անցկացվել է միջկառավարական տնտեսական հանձնաժովի նիստ, ինչպես նաև գործարար համաժողով:

armenpress.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Միջազգային համագործակցություն
• ԵՄ-ն կշարունակի աջակցել Կառավարությանը՝ ուղղված ՄԻՊ ռազմավարության արդյունավետ կատարմանը․ Կայացել է ազգային ռազմավարությունից բխող 2023-2025թթ. գործողությունների ծրագրի կատարումը համակարգող խորհրդի անդրանիկ նիստը• BOGG-ն առաջարկել է 303,6 մլն դոլարով գնել «Ամերիաբանկը» • Փոխվարչապետը հույս է հայտնել, որ այս տարի կավարտվեն Իրան-Հայաստան բարձրավոլտ էլեկտրահաղորդման 3-րդ գծի շինաշխատանքները• Ռոսպոտրեբնադզորը խնդրում է տեղեկացնել մանրածախ առևտրի կետերի և կայքերի մասին, որտեղ Ջերմուկ է վաճառվում• Կարեւոր է չթուլացնել ՌԴ-ի եւ ԵԱՏՄ երկրների համագործակցության զարգացման տեմպերը. Միշուստին• Հայաստանը կմասնակցի Համաշխարհային ներդրումային համաժողովին• Քննարկվել է Վրաստանից սառեցված հավի մսի և եվրոպական երկրներից կենդանական մթերքի ներմուծման հարցը• Հայաստանը միանում է Ենթակառուցվածքային Ներդրումների Ասիական Բանկին՝ 374 բաժնեմասի բաժանորդագրմամբ• Հայաստանից ԱՄԷ կարող է արտահանվել ձուկ-ձկնամթերք, մեղր և մեղվաբուծական արտադրանք, կաթ-կաթնամթերք և միս-մսամթերք

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն