Հարցազրույց Վահան Քերոբյանի հետ

Վահան Քերոբյանը 1in.am-ին տված հարցազրույցի շրջանակներում խոսել է Հայաստանի տնտեսական աճի ցուցանիշների, նոր բացված ընկերությունների, գրավիչ գործարար միջավայրի, զբոսաշրջության զարգացման քաղաքականության և տնտեսական այլ թեմաների վերաբերյալ։

«Կառավարությունը թիրախավորել էր ներդրումների և ՀՆԱ-ի հարաբերակցությունը հասցնել 25 տոկոսի։ 2021 թվականի ճշգրտված թվերով մենք ունեցել ենք ներդրումների և ՀՆԱ-ի հարաբերակցության 23 տոկոս, իսկ 2022 թվականի նախնական տվյալներով մենք ունեցել ենք 4 մլրդ 250 մլն դոլարի ներդրումներ, որը ռեկորդային թիվ է Հայաստանի համար և ՀՆԱ-ի 21,7 տոկոսն է, բայց վստահ ենք, որ ներդրումների և ՀՆԱ-ի հարաբերակցությունը 23 տոկոսից բարձր կլինի», - նշել է նախարարը։

Անդրադառնալով շինարարության ոլորտում իրականացվող ակտիվ աշխատանքներին, նախարարը նշել է, որ 2022 թվականին շահագործման են հանձնվել 340․ 000 քմ բնակելի նոր տարածքներ, ինչը ընդհանուր բնակֆոնդի ընդամենը 0,3 տոկոսն է և արվում է հնարավորը, որպեսզի շինարարական տեմպերը հնգապատկվեն։