Հայտարարվել է Իսահակ Իսահակյանի անվան հետազոտական մրցույթ

Կենտրոնական բանկը հրավիրում է ուսանողներին, ինչպես նաև բոլոր նրանց, ովքեր հետաքրքրված են հետազոտությունների իրականացմամբ՝ մասնակցելու ԻՍԱՀԱԿ ԻՍԱՀԱԿՅԱՆԻ անվան հետազոտական մրցույթին: 

Մրցույթն անվանվել է ի պատիվ Կենտրոնական բանկի առաջին նախագահ Իսահակ Աբասի Իսահակյանի և մինչ օրս իրականացվել է որպես կրթաթոշակի մրցույթ՝ ներգրավելով Հայաստանի և Արցախի բուհերի ուսանողներին: 2023 թվականից սկսած՝ մրցույթին կարող են դիմել նաև արտասահմանյան բուհերի հայազգի ուսանողներ, ինչպես նաև ոչ ուսանող հետազոտողներ: 
Ծրագրի միջոցով նպատակ ունենք ստեղծել հետազոտողների համայնք և մեր հետազոտական օրակարգի շուրջ հավաքել, այդ հետաքրքրությունները կիսող հետազոտողներին, ում հետ Կենտրոնական բանկը կաշխատի զանազան հետազոտական նախաձեռնությունների և ծրագրերի շուրջ: Մենք նաև նպատակ ունենք ուսանողների շրջանում բարձրացնել հետազոտության նկատմամբ հետաքրքրությունը և բացահայտել նրանց հետազոտական ներուժը:

Դիմելու վերջնաժամկետը՝ 11/09/2023

Մրցույթի ընթացակարգը
 
.  Մրցույթին դիմում
. Հետազոտական աշխատանքի ներկայացում հանձնաժողովին (ընտրված աշխատանքների հեղինակները կհրավիրվեն Կենտրոնական բանկ՝ հանձնաժողովին ներկայացնելու իրենց հետազոտական աշխատանքները) 
. Մրցույթի ամփոփում և  հաղթողների ճանաչում 
 
Ովքեր կարող են մասնակցել 

1. Ուսանողները (եթե դիմելու պահին հանդիսանում են ուսանող)
Ոչ ուսանող հետազոտողները
2. Մրցույթին կարելի է մասնակցել անհատական և թիմային աշխատանքով:

Մրցանակներ

Ընտրված աշխատանքների հեղինակները կներգրավվեն Կենտրոնական բանկի հետազոտական նախաձեռնություններում: Նախատեսվում են նաև դրամական մրցանակներ:

Ուսանողների խմբում 3 լավագույն աշխատանքները կարժանանան մրցանակների՝

1-ին տեղ՝ 1 միլիոն ՀՀ դրամ
2-րդ տեղ՝ 600 հազար ՀՀ դրամ
3-րդ տեղ՝ 400 հազար ՀՀ դրամ

Ոչ ուսանող հետազոտողների 3 լավագույն աշխատանքները կարժանանան մրցանակների՝

1-ին տեղ՝ 500 հազար ՀՀ դրամ
2-րդ տեղ՝ 300 հազար ՀՀ դրամ
 3-րդ տեղ՝ 200 հազար ՀՀ դրամ

Հետազոտության թեմաները

Հետազոտության թեման անհրաժեշտ է ընտրել ԿԲ հետազոտական օրակարգի շրջանակներում:
 
ԿԲ հետազոտական օրակարգ 

Հետազոտական/վերլուծական աշխատանքի նկատմամբ պահանջներ

• Հետազոտական աշխատանքի լեզուն՝ հայերեն, անգլերեն
• Հետազոտական աշխատանքը պետք է համապատասխանի «Chicago style» ձևաչափին և լինի մինչև 7000 նիշի սահմաններում (մոտ 15 էջ)
• Արգելվում է գրագողությունը՝ այլ անձի կողմից կատարված աշխատանքը որպես սեփական աշխատանք ներկայացնելը՝ դիտարկվելով որպես կանոնների խիստ խախտում
• Աշխատանքը չպետք է նախկինում հրապարակված լինի
• Համահեղինակների քանակը չպետք է գերազանցի 3-ը: Ընդ որում, համատեղ աշխատանքը մրցանակի արժանանալու դեպքում, մրցանակը բաշխվելու է հետևյալ սկզբունքով՝ 

-     1-ից ավելի հեղինակ ունեցող աշխատանքը մրցանակի արժանանալու դեպքում մրցանակի է արժանանում աշխատանքի հիմնական հեղինակը (աշխատանքում առավելագույն ներդրում ունեցած հեղինակը):

 
-      եթե հետազոտական աշխատանքի հեղինակ է հանդես գալիս ուսանող, իսկ համահեղինակ՝ ոչ ուսանող, ապա հաջողության դեպքում, աշխատանքը արժանանում է ուսանողի համար նախատեսված մրցանակի:

 
-      եթե հետազոտական աշխատանքի հեղինակ է հանդես գալիս ոչ ուսանող հետազոտող, իսկ համահեղինակ՝ ուսանող, ապա հաջողության դեպքում, աշխատանքը արժանանում է ոչ ուսանող հետազոտողի համար նախատեսված մրցանակի:

www.cba.am