Զատկի տոնին ընդառաջ ձվի շուկայում իրավիճակը նորմալ է, անհանգստանալու առիթ չկա։ Այս մասին NEWS.am-ի հետ զրույցում ասաց Հայաստանի Թռչնաբույծների միության նախագահ Սերգեյ Ստեփանյանը։
«Մենք սկսել ենք նույնիսկ արտահանել։ Արդեն երեք տարվա ընթացքում գրանցվում է արտադրության տարեկան աճ՝ 4-5,5 տոկոսի մակարդակում։ Սա թույլ է տալիս ամբողջությամբ ծածկել շուկայի կարիքները, նույնիսկ ավելցուկ է առաջացել։ Շուկայում գները նվազել են: Ինքնարժեքը տարբեր է, բայց տարեկան կտրվածքով միջինում մեկ հատի արժեքը կազմում է 44-45 դրամ։ Գնային փոփոխություններ չեն լինի։ Ընդհակառակը, այս ամիս գները նվազել են»,-նշեց նա։
Հարցին, թե Զատկին ընդառաջ ձվի պահանջարկի կտրուկ աճը արդյոք չի ազդի գների վրա, փորձագետը նշեց. «Մենք ապահովել ենք անհրաժեշտ ծավալները։ Անգամ ավելցուկ է առաջացել, որն արտահանվում է Ռուսաստան։ Արդեն 5-6 բեռնատար մեքենա է դուրս բերվել»։ Ստեփանյանը պարզաբանեց, որ «Վերին Լարսի» անցակետում ապրանքի տեղափոխման հետ կապված բարդություններ չեն առաջանում։ «Իրավիճակը դեռ նորմալ է»,-եզրափակեց նա:
Հիշեցնենք, որ Զատիկը Հայաստանում այս տարի կնշվի ապրիլի 9-ին։
news.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться