Իրանը չի բացառում Ռուսաստանի հետ ավտոմեքենաների արտադրության համատեղ ձեռնարկության ստեղծումը:
Այս մասին «РИА Новости» գործակալությանը հայտնել է Իրանի արդյունաբերության, հանքերի և առևտրի նախարարության պաշտոնական ներկայացուցիչ Օմիդ Ղալիբաֆը:
«Իրանում կամ Ռուսաստանում համատեղ ավտոարտադրությունը և գործարանի բացումը կախված է այն բանից, թե ինչ հաջողությամբ մենք կկարողանանք արտահանել մեր մեքենաները Ռուսաստան և դուրս գալ նրա շուկա, և որքանով իրանական մոդելները կընդունվեն Ռուսաստանում: Դրանից հետո մենք արդեն կքննարկենք ներդրումները համատեղ արտադրությունում և մեր ավտոշուկայի զարգացումը Ռուսաստանում», – ասել է նա։
Նոյեմբերի վերջին Իրանի ավտոպահեստամասեր արտադրողների ասոցիացիայի ղեկավարը հայտարարել էր, որ Իսլամական Հանրապետությունը հուշագիր է ստորագրել Ռուսաստանի հետ՝ 300 միլիոն դոլար արժողությամբ իրանական ավտոմեքենաներ արտահանելու շուրջ։
Ղալիբաֆը նշել է, որ առայժմ նման առաքումներ չեն եղել։ Միաժամանակ նա նշել է, որ մեքենաներն արտահանվելու են կա՛մ արդեն հավաքված տեսքով, կա՛մ քանդված, բաղադրամասերի տեսքով, որոնք կհավաքվեն արդեն ռուսաստանյան ձեռնարկություններում։
Նրա խոսքով, առաջին մատակարարումների իրականացման համար իրանական կողմը պետք է ստանա Ռուսաստանի պրոֆիլային գերատեսչությունների լիցենզիաները, իսկ ավտոմեքենաների համար պահանջվում է ՌԴ պետստանդարտի կողմից հաստատում։
b24.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться