Միկրոձեռնարկատիրության հարկման համակարգում առաջարկվել են նոր կանոններ

Առաջարկվում է հնարավորինս կրճատել միկրոձեռնարկատիրության հարկման համակարգում գործունեություն իրականացնող տնտեսավարող սուբյեկտների շրջանակը՝ դրանով հարկման այս արտոնյալ համակարգը դարձնել էլ ավելի թիրախային: Այս մասին ասել է ՀՀ ֆինանսների նախարարի տեղակալ Արման Պողոսյանը՝ ներկայացնելով «ՀՀ հարկային օրենսգրքում փոփոխություններ եւ լրացումներ կատարելու մասին» եւ ««Ժամանակավոր անաշխատունակության եւ մայրության նպաստների մասին» օրենքում փոփոխություն կատարելու մասին» օրենքների նախագծերի փաթեթը:

Ըստ Արման Պողոսյանի՝ միկրոձեռնարկատիրության մասով սահմանված հարկային կարգավորումների գործնական կիրառության ընթացքում պարզվել է, որ համակարգից օգտվում են ոչ միայն բնակչությանը ծառայություններ մատուցող, բնակչության համար աշխատանքներ կատարող եւ ապրանքներ մատակարարող փոքր տնտեսավարող սուբյեկտները, այլեւ այն տնտեսավարող սուբյեկտները, որոնք եկամուտներ են ստանում այլ տնտեսավարող սուբյեկտներից: Հիմնական զեկուցողի խոսքով միկրոձեռնարկատիրության համակարգի շրջանակի այսպիսի արհեստական ընդլայնմանը նպաստում է նաեւ այն, որ հարկման այս համակարգի շրջանակում հարկումից ազատված են ոչ միայն ձեռնարկատիրական եկամուտները, այլեւ պասիվ եկամուտները, իսկ ֆիզիկական անձանց վճարվող աշխատավարձից եկամտային հարկը հաշվարկվում է ամսական ընդամենը 5 հազար դրամի չափով՝ անկախ վճարվող աշխատավարձի մեծությունից:

Կառավարությունն առաջարկում է աշխատավարձ տեսակի եկամուտների հարկման համար ձեւավորել հավասար, արդար կանոններ. միկրոձեռնարկատիրության սուբյեկտներն իրենց վարձու աշխատողների համար եկամտային հարկը կհաշվարկեն համակարգերում գործող մյուս գործատուների համար սահմանված կանոններով:

Առաջարկվել է նաեւ սահմանել, որ պասիվ եկամուտներ ստացողները չեն կարող լինել միկրոձեռնարկատիրության հարկման արտոնյալ համակարգում:

Տնտեսական հարցերի մշտական հանձնաժողովի նախագահի տեղակալ Բաբկեն Թունյանի խնդրանքով Արման Պողոսյանը ներկայացրել է վիճակագրությունը համակարգում: Միկրոձեռնարկատիրության շուրջ 50.000 սուբյեկտներ ունեն մոտ 35.000 վարձու աշխատող: Նա ընդգծել է, որ պարզունակ գործունեության տեսակներով զբաղվող անձնանց համար նոր պարտականություններ չեն սահմանվի:

Հանձնաժողովի անդամներն անդրադարձել են նախաձեռնության ռիսկային գործոններին, նշվել է, որ վարձու աշխատողները 20 տոկոս եկամտային հարկ վճարելու փոխարեն կարող են դառնալ ինքնուրույն ձեռնարկատիրության միավորներ: Արման Պողոսյանը, տեղեկացնելով, որ իսկապես առկա են ռիսկային գործոններ, այնուամենայնիվ, նշել է, որ կան նաեւ հակակշիռ, զսպող հանգամանքներ:

«Ցանկանում ենք, որ համակարգը լինի հասցեավորված, իր առջեւ դրված խնդիրները լուծող համակարգ»,- ասել է ֆինանսների նախարարի տեղակալը:

Տնտեսական հարցերի մշտական հանձնաժողովի նոյեմբերի 23-ի արտահերթ նիստում քննարկված օրենքների նախագծերի փաթեթը ստացել է դրական եզրակացություն:


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Պաշտոնական տնտեսական լուրեր
• Արմեն Հայրապետյանը նշանակվել է ՀՀ սննդամթերքի անվտանգության տեսչական մարմնի ղեկավար• Վաչե Տերտերյանը աշխատանքային հանդիպում-քննարկում է ունեցել Կայունացման և զարգացման եվրասիական հիմնադրամի գործընկերների հետ• Ֆրանսիայի «Հայաստան» հիմնադրամը Տավուշի ֆերմերներին նվիրաբերել է ավելի քան 200.000 պտղատու ծառերի տնկիներ• Սահմանադրական բարեփոխումների խորհուրդը հայտարարում է մրցույթ՝ մասնագիտական հանձնաժողովում նոր թեկնածուների ներգրավման նպատակով• Նախարար Վահան Քերոբյանը հանդիպել է արգենտինահայ գործարար Էդուարդո Էռնեկյանի հետ• ԻՐԱԶԵԿՈՒՄ Հրապարակվել է երկակի և (կամ) ռազմական նշանակության չհանդիսացող ապրանքների թարմացված ցանկը• ՊԵԿ. Բացահայտվել է սոցիալական ցանցերի միջոցով դեղամիջոցների ապօրինի վաճառքի դեպք• ID քարտերի, վարորդական վկայականների, թղթադրամների, վիզաների և այլ փաստաթղթերի հետազոտություն՝ Արդարադատության նախարարության «Փորձագիտական կենտրոն» ՊՈԱԿ-ում• «Հայաստանի Հանրապետության կառավարության 2022 թվականի փետրվարի 17-ի N184-Ն որոշման մեջ փոփոխություններ և լրացումներ կատարելու մասին ՀՀ կառավարության որոշման նախագիծ

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն