Բանջարաբոստանային մշակաբույսերը հայկական շուկայում կարող են թանկանալ մինչև 100 տոկոսով' հանրապետության տարածքում տեղացած կարկուտի հետևանքով, կարծում է Հայաստանի Ագրարա–գյուղացիական միավորման ղեկավար Հրաչ Բերբերյանը։
Նախորդ շաբաթ տեղացած ուժեղ կարկուտը վնասել է Արագածոտնի և Արմավիրի մարզերի գյուղատնտեսական ցանքատարածությունները։
«Կարծում եմ, որ նախևառաջ կբարձրանան լոլիկի, տաքդեղի և սմբուկի գները»,– ասաց Բերբերյանը։
Ըստ նրա' նաև կթանկանա միգն ու խաղողը։ «Մրգի և խաղողի գինը կարող է բարձրանալ 20 տոկոսով»,– հայտնեց փորձագետը։
Նա ավելացրեց նաև, որ հասցված վնասի պատճառով գյուղացիական արտադրանքի արտահանման ծավալն այս տարի նույնպես կկրճատվի։
Ուժեղ կարկուտի հետ կապված հանրապետությունում ստեղծված իրավիճակը քննարկվել է նախորդ չորեքշաբթի Հայաստանի վարչապետ Տիգրան Սարգսյանի գլխավորած խորհրդակցության ընթացքում։
Կառավարության ղեկավարի հանձնարարությամբ ՀՀ տարածքային կառավարման նախարար, փոխվարչապետ Արմեն Գևորգյանի գլխավորությամբ կստեղծվի միջգերատեսչական հանձնաժողով, որը կքննարկի հակակարկտային կայանների խնդիրը և կառավարությանը կներկայացնի համապատասխան առաջարկություններ՝ դրանց արդյունավետ գործարկման համար:
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться