Հայկական կողմից նիստը նախագահել է ՀՀ էկոնոմիկայի նախարարի տեղակալ Ռաֆայել Գևորգյանը, իսկ Եվրոպական Միության կողմից՝ ԵՄ գյուղատնտեսության և գյուղական համայնքների զարգացման գլխավոր տնօրինության Հարևանության, ընդլայնման և նախաանդամակցության աջակցության բաժնի ղեկավար Ֆրանկ Բոլլենը։ Նիստին մասնակցել են նաև ՀՀ էկոնոմիկայի նախարարի տեղակալներ Արմեն Արզումանյանը և Արման Խոջոյանը։
Նիստի ընթացքում ԵՄ կողմը ներկայացրել է Աշխարհագրական նշումների ենթակոմիտեի Ընթացակարգային կանոնների նախագծի հաստատման ընթացակարգերը: Կողմերը քննարկել են ՀՀ-ԵՄ ՀԸԳՀ-ով ամրագրված «Շամպայն» և «Կոնյակ» աշխարհագրական նշումների վերաբերյալ դրույթների իրականացման ուղղությամբ տարվող աշխատանքների ներկա վիճակը:
Ներկայացվել և քննարկվել են նաև աշխարհագրական նշումների վերաբերյալ երկկողմ օրենսդրական զարգացումները, աշխարհագրական նշումների ցանկերի փոփոխությունները և ձեռք բերվել համապատասխան պայմանավորվածություններ:
2017թ. նոյեմբերի 24-ին Հայաստանի Հանրապետության և Եվրոպական Միության միջև կնքվել է «Համապարփակ և ընդլայնված գործընկերության» համաձայնագիրը, որն ամբողջությամբ ուժի մեջ է մտել 2021 թ. մարտի 1-ից։
Աշխարհագրական նշումների ենթակոմիտեն ստեղծվել է Համաձայնագրի 240-րդ հոդվածի համաձայն։
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться