Կառավարությունը կսուբսիդավորի ոչ թե սպառվող, այլ ներկրվող գազի գինը, կամ որքա՞ն կբարձրանա գազի սակագինը

Հայաստանի Հանրապետության կառավարությունը կսուբսիդավորի ոչ թե սպառվող, այլ ներկրվող գազի գնի 30%-ը: Այդ մասին ասաց ՀՀ վարչապետի մամլո քարտուղար Հարություն Բերբերյանը: Ինչ վերաբերում է գազի հետագա գնագոյացմանը, ապա, ըստ Հ. Բերբերյանի, այն կկարգավորվի հանրային Ծառայությունները կարգավորող հանձնաժողովի կողմից:

Հարցին, թե ի՞նչ միջոցների հաշվին է կառավարությունը սուբսիդավորելու գազի գինը, Հ. Բերբերյանն ասաց, որ ներկայում բանակցություններ են ընթանում Ռուսաստանի Դաշնության հետ, ու այդ բանակցությունների ավարտից հետո պարզ կլինի, թե ինչպես է ՌԴ-ն մեզ օժանդակելու այդ հարցում:

Հիշեցնենք, որ ըստ «ՀայՌուսգազարդի» ներկայացրած հայտի'հուլիսի 1-ից «Գազպրոմը» Հայաստանին գազը մատակարարելու է 1000 խոր. մետրը 270 դոլարով: Դրա 30%-ը 81 դոլար է, հետեւաբար' գազի գինը սահմանի վրա կարժենա 189 դոլար: Իսկ այդ պարագայում գազի սակագնի որեւէ էական բարձրացում հիմնավոր չէ:

Աղբյուրը՝ news.am