• Armenianeconomy.com

Շուրջ 6 մլն եվրո է ներդրվել 10 տարվա ընթացքում ՀՀ ՓՄՁ ոլորտում` ՎԶԵԲ–ի բիզնես կոնսլաթինգ ծրագրով

Շուրջ 6 մլն եվրո է ներդրվել 10 տարվա ընթացքում ՀՀ ՓՄՁ ոլորտում` ՎԶԵԲ–ի բիզնես կոնսլաթինգ ծրագրովՈրպես ներդրումներ' մոտ 6 մլն եվրո է ներդրվել Հայաստանում 10 տարվա ընթացքում փոքր և միջին ձեռնարկատիրությունների համար' ՎԶԵԲ–ի «Բիզնես կոնսալթինգի ծառայություններ» ծրագրով, երեքշաբթի տեղեկացրեց ՎԶԵԲ ՓՄՁ աջակցման տարածաշրջանային ծրագրի ղեկավար Յաափ Սփրեյը (Jaap Sprey)։

«ՎԶԵԲ–ն աջակցում է Հայաստանի տնտեսական զարգացմանը' խթանելով փոքր բիզնեսին»,– Հայաստանում «Բիզնես կոնսալթինգի ծառայություններ» ծրագրի 10–ամյա գործողության առիթով կայացած միջոցառման ժամանակ ասաց Սփրեյը։

Ըստ նրա' տասը տարում ծրագրի շրջանակներում 930 նախագիծ է իրականացվել Կանադայից, Չինաստանից, Մեծ Բրիտանիայից, ԱՄՆ–ից, ԵՄ–ից, Անցումային փուլում գտնվող երկրների հիմնադրամից և ՎԶԵԲ–ի բաժնետերերի հատուկ հիմնադրամից ներգրավված միջոցների հաշվին։

Հայաստանում ԵՄ պատվիրակության ղեկավար Տրայան Հրիստեան իր հերթին նշեց, որ ՓՄՁ զարգացումը Եվրամիության քաղաքականության առաջնահերթ ուղղություններից մեկն է։

«Այն նաև «Արևելյան գործընկերություն» ծրագրի հիմնական ուղղություններից մեկն է»,– ավելացրեց նա։

Հրիստեան նշեց նաև, որ տարեվերջին ակնկալվում է Հայաստանի և ԵՄ–ի միջև ասոցացման մասին համաձայնագրի նախաստորագրումը, ինչն ըստ նրա' Հայաստանի տնտեսության համար անկյունաքար կդառնա։

«Դա նշանակում է, որ հայկական բիզնեսը ստիպված կլինի բարեփոխել իր ձեռնարկությունները, որպեսզի օգտվի այն հնարավորություններից, որոնք կտա այդ համաձայնագիրը»,– նշեց դեսպանը։

ՎԶԵԲ–ի «Բիզնես կոնսալթինգի ծառայություններ» ծրագիրը ֆինանսավորվում է Եվրամիության կողմից։

Ներկայում Հայաստանը ԵՄ-ի հետ համագործակցում է Արևելյան գործընկերության նախագծի շրջանակներում և բանակցություններ է վարում Հայաստան-ԵՄ Ասոցացման համաձայնագրի շուրջ: Առաջիկա համաձայնագիրը կփոխարինի Գործընկերության և համագործակցության մասին գործող համաձայնագիրը և ուղղված կլինի Հայաստանի և Եվրամիության միջև հարաբերությունների խորացմանը տարբեր ոլորտներում, մասնավորապես, արտաքին քաղաքականության, ժողովրդավարության, տնտեսական ինտեգրման, մարդկանց տեղափոխման, էներգետիկայի ոլորտներում:

Աղբյուրը՝ arka.am


Անուն*
Ձեր էլ. հասցեն*
Ուղարկվող էլ. հասցեն*
 

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն