Վերակառուցման և զարգացման եվրոպական բանկը (ՎԶԵԲ) Հայաստանում ներդրել է շուրջ 620 մլն եվրո' 1992թ.–ից երկրում իր գործունեության սկզբից, երեքշաբթի «ԱՌԿԱ» գործակալությանը հայտնեց ՎԶԵԲ–ի երևանյան գրասենյակի ղեկավար Վալերիու Ռազլոգը։
Ըստ նրա' այդ գումարի շուրջ կեսը' մոտ 310 մլն եվրո, ուղղվել է բանկային հատվածի ֆինանսավորմանը։
«ՎԶԵԲ–ի կողմից Հայաստանում կատարած ներդրումների շուրջ 25 տոկոսը բաժին է հասել տրանսպորտային հատվածի ֆինանսավորմանը, մասնավորապես Երևանի օդանավակայանի և մաքսակետերի արդիականացմանը, 15 տոկոսը' էներգետիկայի ոլորտի տարբեր ծրագրերի ֆինանսավորմանը, մասնավորապես վերականգնվող էներգետիկայի ոլորտի, այդ թվում Հայաստանում 25 փոքր ՀԷԿ–ների աջակցմանը, ինչպես նաև էլեկտրաէներգիայի տեղափոխմանը և տեղաբաշխմանը»,– ասաց նա։
Ըստ Ռազլոգի' ներդրումների ընդհանուր գումարի մնացած 10 տոկոսը բաժին է հասել մասնավոր և մունիցիպալ հատվածին, մասնավորապե'ս մետրոպոլիտենի վերակառուցմանը, ջրամատակարարման համակարգին, ինչպես նաև սննդի արդյունաբերության ոլորտին։
ՎԶԵԲ-ը ակտիվ գործունեություն է ծավալում Հայաստանում երկրի անկախացումից ի վեր։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться