«Հայաստան» համահայկական հիմնադրամի Մոսկվայում կայացած բարեգործական Ճաշկերույթի ավարտից հետո հավաքագրվել է 12 միլիոն 100 հազար ԱՄՆ դոլարի խոստում:
Բարեգործական ճաշկերույթին մասնակցել են ԼՂՀ նախագահ, Հիմնադրամի հոգաբարձուների խորհրդի անդամ Բակո Սահակյանը, ՀՀ ԱԺ նախագահ, Հիմնադրամի հոգաբարձուների խորհրդի անդամ Հովիկ Աբրահամյանը, Նոր Նախիջևանի և Ռուսաստանի Հայոց թեմի առաջնորդ Գերաշնորհ Տ. Եզրաս Եպիսկոպոս Ներսիսյանը, Ռուսաստանի Դաշնությունում Հայաստանի Հանրապետության արտակարգ և լիազոր դեսպան Օլեգ Եսայանը, «Հայաստան» համահայկական հիմնադրամի գործադիր տնօրեն Արա Վարդանյանը և ռուսաստանաբնակ շուրջ 40 հայ գործարարներ:
«Հեռուստամարաթոնից հետո կհրապարակվի նվիրատուների և նվիրատվությունների ամբողջական ցանկը, հեռուստամարաթոնի գլխավոր հովանավորն է Արդշինինվեստբանկը. հովանավորներ' ԱԿԲԱ-ԿՐԵԴԻՏ-ԱԳՐԻԿՈԼ ԲԱՆԿ, Արցախբանկ, Ամերիա Գրուպ, Հայբիզնեսբանկ»,- նշվում է հաղորդագրության մեջ:
2011թ.-ին «Հայաստան» համահայկական հիմնադրամի բարեգործական ճաշկերույթի ժամանակ, որը նաև Մոսկվայում էր անցել, 18 մլն 635 հազար ԱՄՆ դոլար էր հավաքագրվել:
«Հայաստան» համահայկական հիմնադրամը հիմնադրվել է 1992 թ.-ին, նրա հիմնական խնդիրը համազգային նախագծերի իրականացումն է, Հայաստանի և Արցախի ենթակառուցվածքների զարգացումն է: ՀՀ նախագահի գլխավորած Հոգաբարձուների խորհրդի կազմում ներառված են աշխարհասփյուռ հայության հեղինակավոր ներկայացուցիչներ
Աղբյուրը՝ arka.am
Լուսանկարը՝ arka.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться