«Այսուհետ զեղչը կնշանակի զեղչ, ոչ թե իմիտացիա». Ի՞նչ է փոխվում զեղչերի ու ակցիաների կիրառման ոլորտում

Հաճախ տնտեսվարղները ներկայացնում են որոշակի զեղչ, սակայն պարզվում է, որ այդ զեղչն իրկանում ավելի բարձր է, քան մինչ այդ զեղչի կիրառումը ապրանքի գինն է եղել: Այս մասին, այսօր՝ հուլիսի 27-ին, մամուլի ասուլիսում նշեց Մրցակցության պաշտպանության հանձնաժողովի անդամ Տիգրան Մարկոսյանը՝ անդրադառնալով նրան, որ հուլիսի 31-ից ուժի մեջ են մտնելու ակցիաների, այդ թվում՝ զեղչերի իրականացման վերաբերյալ կարգավորումները:

«Մեկ այլ դեպքում զեղչերի վերաբերյալ տեղեկատվություն է տրվում թերի կամ ոչ հավաստի կամ ոչ ամբողջական: Հայտարարվում է զեղչի կամ ակցիայի մասին, բայց պարզվում է, որ դրա արդյունքում որեւէ դրական գնային փոփոխություն կամ պայման չի առաջարկվում քաղաքացուն: Մեկ այլ դեպքում էլ տնտեսվարողները հայտարարում են զեղչ, սակայն պարզվում է, որ  տվյալ ակցիան տեւել է տարիներ, հետեւաբար, դա չի կարող իր բնույթով համարվել ակցիա:

Հարցը շատ զգայուն է, որովհետեւ օրենսդրական խիստ կարգավորումները կարող են վնասել բիզնեսին, բայց մյուս կողմից կարի ունենք պաշտպանելու սպառողին»,-ասաց նա՝ հավելելով, որ մասնագիտական հանրույթի կողմից այս կարգավորումը դրական արձագանքների է արժանացել:

«Սա ոլորտում առաջին քայլն է, այն չի հվակնում լինել վերջնական եւ լուծումներ տալ բոլոր հարցերին: Եթե կլինեն սողանքներ, որոնք թույլ կտան անբերախիղճ տնտեսվարողներին շրջանցելու եւ կրկին  դրսեւորելու անբարեխիղճ վարքագիծ, կամ կպարզվի, որ այդ կարգավորումներն անհամաչափ բեռ են տնտեսվարողների համար, մենք բաց ենք լսելու առաջարկներ»,-ասաց Մարկոսյանը:

Ըստ նոր փոփոխությունների զեղչ է համարվում գնի իջեցումը, դրան նախորդող մեկ ամվա ընթացքում միջին գնի նկատմամբ: Նաեւ զեղչը առավելագույնը կարող է տեւել մինչեւ երեք ամիս:

Եթե, ասենք, նշվում է, որ երկու քմ գնելու դեպքում 3-րդը տրվում է ասենք 20 տոկոս ցածր գնով, ապա դրա մասին հստակ պետք է ասվի սպառողին, ոչ թե ասվի 20 տոկոս զեղչ, հետո պարզվի, որ դա 3-րդ քմ-ին է վերաբերում:

«Հաջորդն այն է, որ զեղչի կիրառման դեպքում պետք է տեսանելի լինի նախքան այդ եղած գինը՝ վերջին մեկ ամսվա միջին գինը»,-ասաց նա:

Ինչ վերաբերում է ակցիաներին, ՄՊՀ-ի անդամը նշեց, որ դու չես կարող մի ապրանքի հետ նվեր տալ, բայց ապրանքի գինն այնքան բարձրացնես, որ նվերի գինը լրիվ կամ մասնակի ներառվի դրա մեջ: Ակցիայի դեպքում եւս այն չի կարող տեւել 3 ամսից ավելի: Իսկ ակցիայի ավարտի հետո նույն ակցիան կարող ես կիրառել միայն մեկ ամիս անց:

Օրենսդիրը օրենքի մակարդակով սահմանել է, թե ինչպիսին պետք է լինեն իրազեկմանը վերաբերող պահանջները: Իրազեկման մեջ պետք է նշվեն զեղչի կամ ակցիայի ժամկետները, նաեւ թե ինչի վրա է այն տարածվում: Նաեւ ցուցանակի վրա տառաչափերը չեն կարող երկու անգամից ավելի տարբեր լինել. «Շատ եք տեսել՝ մեծ տառերով գրվծ է 50 տոկոս զեղչ, իկ տակը շատ փոքր տառաչափով գրված է «մինչեւ»: Արդյունքում դուք դրան բախվում եք արդեն վճարելու պահին, ինչը տհաճ է: Հաջորդն այն է, որ եթե ապրանքի խմբաքանակի կամ շրջանակի մասին տեղեկատվություն չկա, դա նշանակում է, որ բոլոր ապրանքներն են զեղչվում»,-ասաց Մարկոսյանը:

Ինչ վերաբերում է նման անբարեխիղճ վարքագծի հմար տուգանքներին, նա նշեց, որ օրենսդրությունը սահմանում է տվյալ տնտեսվարողի համար մինչեւ նախորդ տարվա հասույթի 5 տոկոսի չափով տուգանք:

Եթե նշվում է մինչեւ 50 տոկոս զեղչ, դա ենթադրելու է, որ այդ զեղչի առնվազն 20 տոկոսը պետք է լինի 50 տոկոս զեղչով»,-ասաց Մարկոսյանը՝ հավելելով, որ այսուհետ զեղչը կնշանակի զեղչ, ոչ թե իմիտացիա:

news.am