2013թ. հունիսի 8-ից 10-ը Logos Expo Center-ը կազմակերպում է 7-րդ միջազգային մասնագիտացված ցուցահանդես «Մանկության աշխարհ EXPO 2013» խորագրով՝ նվիրված Երեխաների Պաշտպանության միջազգային օրվան: Ցուցահանդեսը կանցկացվի նորակառույց ցուցահանդեսային համալիրում՝ «Երևան Էքսպո»-ում, որն իր տեսակի մեջ միակն է:
«Մանկության աշխարհ EXPO 2013» ցուցահանդեսը հերթական քայլն է երեխաների և դպրոցականների համար պրոֆեսիոնալ ցուցահանդեսի կազմակերպման գործում: Ցուցահանդեսի գլխավոր նպատակը' տվյալ ոլորտի զարգացումն է, բարձրակարգ արտադրողների և մասնագետների ներգրավումը,երեխաների համար նախատեսված ապրանքների տեսականիով հայաստանյան շուկայի հարստացումը:
Եռօրյա ցուցահանդեսի ընթացքում «Երևան Էքսպո» ցուցահանդեսային համալիրը պարուրված կլինի տոնական մթնոլորտով, որտեղ յուրաքանչյուրը կհայտնվի մանկության զարմանալի աշխարհում:
Ցուցահանդեսը կանցկացվի ՀՀ էկոնոմիկայի նախարարության, ՀՀ աշխատանքի և սոցիալական հարցերի նախարարության, ինչպես նաև Հայաստանի արդյունաբերողների և գործարարների (գործատուների) միության աջակցությամբ:
Ցուցահանդեսին կներկայացնեն ապրանքներ և ծառայություններ երեխաների համար' հագուստ, կոշկեղեն, խաղալիքներ, գրասենյակային և դպրոցական պարագաներ, սնունդ նորածինների համար, քաղցրավենիքներ, պաղպաղակ, զարգացող և ուսուցանող խաղեր, կրթոջախներ, ուսումնական ձեռնարկներ և գրքեր, բժշկություն երեխաների համար, ատրակցիոններ և այլն:
Ցուցահանդեսին մասնակցում է վեց մանկատուն ՀՀ տարբեր մարզերից (Գյումրի, Գավառ, Խարբերդ, Դիլիջան, Երևան), որտեղ երեխաները կներկայացնեն իրենց ձեռքի աշխատանքները:
«Մանկության աշխարհ EXPO 2013»-ը կուղեկցվի հարուստ մշակույթային ծրագրով:
- Ֆոտոմրցույթ «Ժպտերեսիկ»
- Մրցույթ լավագույն նկար «Փոքրիկ նկարիչ»
- «Մինորա» մշակույթային պրոդյուսերական կենտրոնի կողմից կազմակերված մեծ շոու ծրագիր
Ցուցահանդեսի նպատակն է'
- Ապրանքների և ծառայությունների ներկայացում
- Նոր գործնական հարաբերությունների հաստատում
Ցուցահանդեսի անցկացման վայրը՝ «Երևան Էքսպո» ցուցահանդեսային համալիր, Երևան, Հ. Հակոբյան 3 (Մերգելյան իստիտուտի տարածքում)
Ցուցահանդեսի անցկացման ժամանակը՝ հունիսի 8-10-ը, 2013թ.
Ցուցահանդեսի անցկացման ժամերն են' 10:00-18:00
Ցուցահանդեսի բացման պաշտոնական արարողությունը կկայանա՝
հունիսի 8-ին ժամը 12:00-ին:
Ցուցահանդեսի փակման պաշտոնական արարողությունը կկայանա՝
հունիսի 10-ին ժամը 15:00-ին։
Կազմակերպչի մասին
LOGOS EXPO Center-ը առաջին մասնավոր ցուցահանդեսային ընկերությունն է Հայաստանում, որը գործում է 1999թ.-ից և առաջատար է համարվում արդյունաբերական, տեղական և միջազգային ցուցահանդեսների և կոնգրեսների կազմակերպման գործում։
Օգտագործելով համաշխարհային ցուցահանդեսային բիզնեսի փորձն ու նվաճումները LOGOS EXPO Center ցուցահանդեսային ընկերությունը ամեն տարի անցկացնում է մինչև 15 մասնագիտացված ցուցահանդեսներ : Այսպիսով 12 տարիների գործունեության ընթացքում ընկերության կողմից կազմակերպված տեղական և օտարեկրյա ցուցահանդեսների թիվը գերազանցել է 160-ը:
Լրացուցիչ տեղեկությունների համար դիմել LOGOS EXPO Center-ի մամլո ծառայութուն։
Լավագույն Մաղթանքներով՝ LOGOS EXPO Center
Հեռ: (+374 10) 23 5775, 22 9813, 22 9814, 22 9815 բջջ. (+374 77) 22 9813
Ֆաքս: (374 10) 229815 (ներքին 215)
E-mail: press@expo.am
URL: www.expo.am
Ցուցահանդեսի գլխավոր ինֆորմացիոն հովանավոր՝ ՎիվաՍել-ՄՏՍ
Լավագույն Մաղթանքներով՝ LOGOS EXPO Center
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться