Կառավարությունն իր այսօրվա՝ հունիսի 17-ի նիստում որոշեց լուծարել «Արարատ-աշխարհ» ՓԲԸ-ն:
Որոշման հիմնավորման մեջ նշվում է, որ «Արարատ-աշխարհ» ՓԲԸ-ն ստեղծվել է 2001 թվականին Արարատի մարզպետի որոշմամբ: Ըստ կանոնադրության Ընկերությունը ներկայացնում է Արարատի մարզի շահերը, նպաստում նրա առջև ծառացած սոցիալ-տնտեսական և քաղաքական խնդիրների լուծմանը, լուսաբանում մարզի առկա բարոյահոգեբանական, սոցիալական և քաղաքական իրավիճակը:
Ըստ Արարատի մարզպետարանի ներկայացրած տեղեկատվության՝ «Արարատ-աշխարհ» ՓԲԸ-ն զբաղվում էր «Արարատ» մարզային թերթի տպագրությամբ։
Համայնքների խոշորացումից հետո՝ Ընկերությունն այլևս չի կարողանում շարունակել իր գործունեությունը ֆինանսական խնդիրների պատճառով։
«Արարատ-աշխարհ» ՓԲԸ-ն ունի շուրջ 1384,6 հազ. դրամ կրեդիտորական պարտք, որից՝ «Սամարկ» ՍՊԸ՝ 252.0 հազ. դրամ, «Տելեկոմ Արմենիա» ՓԲԸ՝ 29,8 հազ. դրամ, աշխատավարձ՝ 1102,8 հազ. դրամ: Գույքն իրենից ներկայացնում է մի քանի անվանում գրասենյակային գույք։
Աշխատողների թվաքանակը կազմում է 5 մարդ։
Հաշվի առնելով, որ «Արարատ-աշխարհ» ՓԲԸ-ի բաժնետոմսերի 100 տոկոսը պետական սեփականություն է՝ Ընկերության լուծարումից հետո մնացած գույքը պետք է հանձնվի Հայաստանի Հանրապետությանը։ Ելնելով այն հանգամանքից, որ Ընկերության գույքն իրենից ներկայացնում է մի քանի անվանում գրասենյակային գույք՝ սույն նախագծով նախատեսվում է գույքը հանձնել Արարատի մարզպետարանի։
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться