• Armenianeconomy.com

Ճանապարհ դեպի պատասխանատու հանքարդյունաբերություն. Համաշխարհային բանկի հոդվածը` ոլորտում Հայաստանի հաջողությունների մասին

Հանքարդյունաբերությունը հասարակությունների համար տարբեր հարցեր է առաջացնում՝ ի՞նչ օգտակար հանածոներ են մշակվում, որտե՞ղ են գտնվում հանքերը, ո՞վ է դրանց սեփականատերը, ի՞նչ հանքաքարեր են արտադրվում, ի՞նչ տեսքով ու ո՞ր երկրներ են արտահանվում: Հայաստանի անդամակցումը Արդյունահանող ճյուղերի թափանցիկության նախաձեռնությանը (ԱՃԹՆ/EITI) օգնեց պատասխան գտնելու նմանօրինակ հարցերին, դրանք դարձնել ավելի հանրային ու թափանցիկ:

«Արմենպրես»-ի փոխանցմամբ, Համաշխարհային բանկը (ՀԲ) «Հայաստանի ճանապարհը՝ դեպի պատասխանատու հանքարդյունաբերություն» խորագրով հոդված է հրապարակել՝ ներկայացնելով այս ոլորտում Հայաստանի անցած ճանապարհն ու ԱՃԹՆ-ին միանալուց հետո մեր երկրի հանքարդյունաբերության ոլորտում գրանցված փոփոխությունները:

Հոդվածում նշվում է, որ ինչպես շատ ուրիշ երկրներում, այնպես էլ Հայաստանում, հանքարդյունաբերությունը մշտապես զգայուն թեմա է եղել: Քաղաքացիական հասարակությունը մշտապես ուշադրությամբ հետևել է ոլորտում գրանցվող զարգացումներին՝ պահանջելով ավելի լավ պաշտպանել շրջակա միջավայրը:

Համաշխարհային բանկը նշում է, որ ՀՀ կառավարությունը, նպատակ ունենալով բարելավել բնական ռեսուրսների կառավարումը` այն դարձնելով ավելի թափանցիկ, հաշվետու և մասնակցային, սկսեց հետաքրքրություն հայտնել ԱՃԹՆ-ի հետ կապված, իսկ արդեն 2015 թվականին հայտարարեց նախաձեռնությանը միանալու մտադրության մասին: Շուրջ մեկ տարվա ընթացքում Հայաստանը կատարեց ԱՃԹՆ-ին միանալու բոլոր նախադրյալները, և արդեն 2017 թվականին հաստատվեց երկրի անդամակցության հայտը:

Համաշխարհային բանկը նկատում է` քանի որ Հայաստանի օրենսդրությունը չէր ապահովում ոլորտի լիակատար թափանցիկությունն ու հաշվետվողականությունը, Ազգային ժողովն անհրաժեշտ օրենսդրական փոփոխություններ իրականացրեց՝ պահանջելով հրապարակել մեծ ծավալի ֆինանսական տեղեկատվություն, ինչպիսիք են՝ ընկերությունների կողմից հարկերի վճարման, արդյունահանման և արտահանման ծավալների, բարեգործական ծրագրերի ու նախագծերի մասին տվյալները: Նմանօրինակ տեղեկատվության տրամադրումն ամեն տարի պարտադիր դարձավ օրենքով: Ավելին, տեղեկատվությունն արտացոլվեց նաև ԱՃԹՆ տարեկան ազգային զեկույցներում:

Համաշխարհային բանկը նշում է, որ Հայաստանը շատ արագ մեծ նվաճումներ գրանցեց ԱՃԹՆ-ի ստանդարտի ներդրման գործում: 2019 թվականին Փարիզում կայացած համաժողովում Հայաստանը ստացավ ԱՃԹՆ նախագահության մրցանակը՝ Ստանդարտը նորարարական և վճռականորեն կիրառելու, ինչպես նաև արդյունավետ կառավարման համար՝ շահագրգիռ կողմերի ներգրավմամբ:

ԱՃԹՆ միջազգային քարտուղարության տնօրեն Մարկ Ռոբինսոնը, ով սերտորեն հետևել է ողջ գործընթացին, նշում է. «Հայաստանը նշանակալի առաջընթաց է գրանցել: 54 երկրների շարքում Հայաստանն այն 9 երկրներից էր, որն արժանացավ հնարավոր ամենաբարձր գնահատականին»:

ՀԲ-ն նկատում է, որ քաղաքացիական հասարակության ներկայացուցիչների և լրագրողների համար մետաղական արդյունահանմամբ զբաղվող ընկերությունների իրական սեփականատերերին բացահայտելու նոր պահանջը բացառիկ հնարավորություն էր, քանի որ Հայաստանում հաճախ բավականին դժվար էր իրական սեփականատերերի մասին տեղեկատվություն ստանալը: ԱՃԹՆ-ի պահանջին համապատասխանելու համար փոփոխություններ կատարվեցին «Իրավաբանական անձանց պետական գրանցման մասին» օրենքում, մտցվեց նաև Շահառուների սեփականության էլեկտրոնային հայտարարագրման համակարգ:

«Հայաստանի հաջողության պատմությունը շարունակվում է, առջևում դեռևս շատ անելիքներ կան: Ապագա բարեփոխումներն ուղղված են լինելու շրջակա միջավայրի վրա ազդեցության մեղմացմանը: Կառավարությունը շարունակում է զարգացնել ոլորտի ռազմավարությունը՝ ներգրավելով բոլոր շահագրգիռ կողմերին»,- ասվում է Համաշխարհային բանկի հոդվածում:

armenpress.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Տնտեսության փորձագիտական վերլուծություններ
• Քիչ է հավանականությունը, որ կարող ենք ունենալ արդյունավետ գործող կենսաթոշակային մասնավոր համակարգ. Սուրեն Պարսյան• ՏՏ ոլորտ, զբոսաշրջություն, թվային ֆինանսներ․ կորեացի փորձագետը Հայաստանի հետ համագործակցությունը խորացնելու մեծ ներուժ է տեսնում• Հայաստանը պետք է հնարավորինս արագ հրաժարվի պարտադիր կուտակային կենսաթոշակային համակարգից. Սուրեն Պարսյան• Ռուսները, նրանց գումարները նույնքան արագ ինչ-որ պահի կգնան ՀՀ-ից, և տնտեսությունում խնդիրներ կառաջանան․ Վաչե Գաբրիելյան• Ներդրումային նախագծերի իրականացման մեջ անհրաժեշտ է ներգրավել տրանսազգային ընկերությունների․ Փորձագետ• Եթե դրամը չարժևորվեր, գնաճն ավելի բարձր կլիներ. ԿԲ նախագահ• Վերլուծաբանները տարակուսած են, թե որքան կարող է արժեզրկվել եվրոն• «Թվային տնտեսության» ի հայտ գալը մարտահրավեր է ռազմաարդյունաբերական համալիրի համար. Արմեն Գևորգյան• Միանշանակ դրական ազդակ՝ հայկական ազգային արժույթի դիրքի ամրապնդման տեսանկյունից
горячие новости
• Եվրոպական միությունը հաստատել է 14.2 մլն․ եվրո դրամաշնորհի ձևով հատկացման փոխանցումը Հայաստանի Հանրապետությանը• ՊԵԿ նախագահը ՎԶԵԲ երևանյան ներկայացուցչության ղեկավարի հետ քննարկել է ՎԶԵԲ աջակցությամբ իրականացվող ծրագրերը• Գերմանիան երեք ամիս ունի` ձմեռային գազային ճգնաժամից իրեն փրկելու համար. Bloomberg• Կա «կարմիր գիծ», որից ներքև դրամի արժևորումը ցավոտ է. Վահան Քերոբյան• Վերաֆինանսավորման տոկոսադրույքը սահմանվել է 9.5 տոկոս• ՀՀ դեսպանը և Արևելյան Ատրպատականի նահանգապետը հնարավոր են համարել ՀՀ-ԻԻՀ առևտրաշրջանառությունը 1 միլիարդ դոլարի հասցնելը• FemInno-ն ամփոփեց կանանց ու աղջիկների ստեղծած ստարտափների մրցույթը․ Oqni-ն և My coffee-ն կիսեցին 10 հազար դոլար մրցանակային ֆոնդը• ՏՏ ոլորտ, զբոսաշրջություն, թվային ֆինանսներ․ կորեացի փորձագետը Հայաստանի հետ համագործակցությունը խորացնելու մեծ ներուժ է տեսնում• ՍԱՏՄ-ն կասեցրել է դոնդողի արտադրամասի գործունեությունը

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն