«Այս տարվա համար ՀՆԱ-ի աճը նախկինում մեր կանխատեսած 1.6 %-ից վերանայվել է 4.9 %-ի, ինչին նպաստել են արդյունաբերության ճյուղի, շինարարության և ծառայությունների ցուցանիշների վերանայումը»,-հրավիրված ասուլիսում հայտնեց ԿԲ նախագահ Մարտին Գալստյանը և հեվելեց, որ վերջինս պայմանավորված է միջազգային այցելուների՝ Հայաստանում գնտնվելու հանգամանքով, ինչպես նաև ՌԴ-ի տնտեսության՝ ակնկալածից ոչ այդքան վատ դրսևորումներով:
ԿԲ նախագահը հայտնեց, որ ՀՆԱ-ի ցուցանիշի վերանայումը պայմանավորված է նաև արտաքին պահանջարկով, որը նպաստում է դրամի արժևորմանն, ինչը նաև թույլ է տվել չարձագանքել գնաճային ընդլայնվող միջավայրին և վերաֆինանսավորման տոկոսադրուքը թողնել անփոփոխ:
Մարտին Գալստյանի խոսքով՝ դրամի արժևորման հետևանքով առաջացած արտահանողների խնդրի լուծման համար իրենց առաջարկում են արհեստականորեն դրամն արժեզրկել, բայց դրանով ստեղծվելու է գնաճային ավելի վատ իրավիճակ, որը հարվածելու է ՀՀ բոլոր քաղաքացիներին. ներառյալ՝ արտահանողներին:
Ըստ ԿԲ նախագահի՝ եթե դրամի արհեստական արժեզրկման հետևանքով գների կարգավորումը հսկողությունից դուրս մնա, ապա նույն արտահանող ընկերությունների աշխատակիցները նրանցից պահանջելու են աշխատավարձերի բարձրացում, որին հաջորդելու է նաև գների բարձրացման նոր փուլ և այն դժվար կառավարելի է դառնալու:
«Չափազանց կարևոր է, որ կառավարության հետ ունենանք կոորդինացված քաղաքականություն, որի ժամանակ ԿԲ-ն զբաղվի գնաճի խնդիրներով, իսկ կառավարությունը հասցեական մոտեցում ցուցաբերի այն ոլորտներին, որտեղ կարող են խնդիրներ առաջանալ դրամի արժևորման արդյունքում»,-հայտնեց Մարտին Գալստյանը:
https:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться