«Կառավարության կառուցվածքի եւ գործունեության մասին» օրենքում գործադիրի առաջարկած լրացումը պատգամավորներն առաջին եւ երկրորդ ընթերցումներով քննարկել եւ ընդունել են հունիսի 9-ին գումարված Ազգային ժողովի արտահերթ նիստում:
«Իրավական ակտերով նախատեսված ռազմավարությունների մշակման եւ ընդունման գործընթացը սահմանվում է ոչ միասնական ձեւով, քանի որ բացակայում են արդեն իսկ մշակված ռազմավարական բնույթի ակտերն ընդունելու մասին հատուկ իրավակարգավորումները: Հաշվի առնելով այն հանգամանքը, որ գործնականում ռազմավարություններ ընդունելիս առաջանում են խնդիրներ՝ կապված լիազորող նորմի հետ, նման պայմաններում հատվածային լուծումներից խուսափելու նպատակով, ինչպես նաեւ ընդհանուր կարգավորման անհրաժեշտությամբ պայմանավորված՝ մշակվել է նախագիծ, որով առաջարկվում է սահմանել մեկ միասնական կարգ»,- ընդգծել է Արդարադատության փոխնախարար Երանուհի Թումանյանցը:
Նախաձեռնությամբ սահմանվում է, որ Կառավարությունն իր ծրագրի հիման վրա պետության ներքին եւ արտաքին քաղաքականությունները մշակելիս կարող է ընդունել ոլորտային ռազմավարություններ եւ դրանց կատարումն ապահովող գործողությունների ծրագրեր:
Զեկուցողը փաստել է, որ նախագծի ընդունումը կապահովի իրավական որոշակիություն եւ համապատասխան լիազորող նորմի առկայություն:
Գլխադասային՝ ԱԺ պետական-իրավական հարցերի մշտական հանձնաժողովի դրական եզրակացությունը ներկայացրել է հանձնաժողովի նախագահի տեղակալ Վահագն Հովակիմյանը:
Պատգամավորները քվեարկություններով ընդունել են առաջին ընթերցմամբ քննարկված օրենսդրական նախաձեռնությունները:
Խորհրդարանը երկրորդ ընթերցմամբ քննարկել է Կառավարության հեղինակած ««Ապօրինի ծագում ունեցող գույքի բռնագանձման մասին» օրենքում փոփոխություններ եւ լրացումներ կատարելու մասին», ««Ավիացիայի մասին» օրենքում փոփոխություններ եւ լրացումներ կատարելու մասին», «Հայաստանի Հանրապետության քրեական օրենսգիրքը գործողության մեջ դնելու մասին», ««Քրեակատարողական ծառայության մասին» օրենքում փոփոխություններ կատարելու մասին» օրինագծերը, ««Հայաստանի Հանրապետության դատական օրենսգիրք» սահմանադրական օրենքում փոփոխություններ եւ լրացումներ կատարելու մասին» եւ կից ներկայացված օրինագծերի փաթեթը:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться