• Armenianeconomy.com

Օրենսդրորեն կկարգավորվի համայնքների միջնաժամկետ ծախսային ծրագրերի կազմման գործընթացը

24 մայիսի 2022 | Աշխատանքային | Цитата

Համայնքների միավորման արդյունքում անհրաժեշտություն է առաջացել, որ համայնքները նույնպես ունենան միջնաժամկետ ծախսային ծրագրեր, եւ պլանավորեն առաջիկա 3 տարիների եկամուտներն ու ծախսերը: Այս մասին բարձրաձայնել է ՀՀ տարածքային կառավարման եւ ենթակառուցվածքների նախարար Գնել Սանոսյանը:

Վերոնշյալից ելնելով՝ Կառավարությունն առաջարկում է օրենսդրորեն կարգավորել համայնքների ՄԺԾԾ-ների կազմման գործընթացը: Այն հնարավորություն կստեղծի միջնաժամկետ հատվածում կառավարելու համայնքի ֆինանսական ռեսուրսները:

Փաթեթով առաջարկվում է, որ համայնքի ղեկավարը մինչեւ ընթացիկ տարվա հոկտեմբերի 10-ը համայնքի ավագանու հաստատմանը ներկայացնի միջնաժամկետ ծախսային ծրագրերը՝ նախատեսելով առաջիկա 3 տարիների եկամուտները եւ ծախսերը, այդ թվում՝ սուբվենցիոն եւ այլ ծրագրերը, դրանք հրապարակի պաշտոնական կայքում ու ներկայացնի մարզպետին:

«Օրենսդրական փաթեթին զուգահեռ այժմ մշակվում են համայնքի 2023-2025 թթ. միջնաժամկետ ծախսերի ծրագրի նախագիծը կազմելու մեթոդական ցուցումները»,- տեղեկացրել է նախարարը:

Զեկուցողի խոսքով՝ նախաձեռնության վերաբերյալ քննարկումների ընթացքում պատգամավորները ներկայացրել են առաջարկներ, որոնց հիման վրա առաջինից երկրորդ ընթերցում ընկած ժամանակահատվածում կիրականացվեն տեխնիկական փոփոխություններ:

Գլխադասային՝ Տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովում նախաձեռնությունը քննարկվել եւ արժանացել է դրական եզրակացության. այս մասին բարձրաձայնել է պատգամավոր Լիլիթ Կիրակոսյանը:

Կառարավարության հեղինակած «ՀՀ բյուջետային համակարգի մասին», «Տեղական ինքնակառավարման մասին» եւ «Երեւան քաղաքում տեղական ինքնակառավարման մասին» օրենքներում փոփոխությունները քննարկվել են մայիսի 24-ին գումարված ԱԺ հերթական նիստում՝ առաջին ընթերցմամբ:

Խորհրդարանն առաջին ընթերցմամբ քննարկել է նաեւ Կառավարության հեղինակած «Հայաստանի Հանրապետության ընդերքի մասին օրենսգրքում լրացում կատարելու մասին» օրինագիծը:

ՀՀ շրջակա միջավայրի նախարարի տեղակալ Գայանե Գաբրիելյանի խոսքով՝ առաջարկվում է ստեղծել իրավական հիմք՝ լիազորելու ընդերքօգտագործման հետ կապված շրջակա միջավայրի ոլորտի պետական կառավարման մարմնին հաստատել Շրջակա միջավայրի վրա ազդեցության գնահատման եւ դրա հետ կապված դրույթների կիրարկման ուղեցույցները:

 


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն