• Armenianeconomy.com

Վահան Քերոբյանն ընդունել է Համաշխարհային բանկի պատվիրակությանը

ՀՀ Էկոնոմիկայի նախարար Վահան Քերոբյանը մայիսի 16-ին ընդունել է Համաշխարհային բանկի Հայաստանի գրասենյակի տնօրեն Կարոլին Գեգինատի գլխավորած պատվիրակությանը` ՀԲ աջակցությամբ իրականացվող «Համայնքների գյուղատնտեսական ռեսուրսների կառավարման և մրցունակության» երկրորդ ծրագրի (CARMAC2) արդյունքներն ու Համաշխարհային բանկի հետ համագործակցության հեռանկարները քննարկելու նպատակով։

Պատվիրակության կազմում էին ՀԲ Եվրոպայի և Կենտրոնական Ասիայի տարածաշրջանի գյուղատնտեսության և պարենի բաժնի պետ Ֆրաուկե Յանգբլութը, գյուղատնտեսության ավագ մասնագետներ Յան Յուստ Նեյհոֆը և Արուսյակ Ալավերդյանը։ Հանդիպմանը մասնակցել են նաև նախարարի տեղակալներ Արման Խոջոյանն ու Արմեն Արզումանյանը, ինչպես նաև CARMAC2 ծրագրի ղեկավար Դավիթ Մեջլումյանը։

Ողջունելով հանդիպման մասնակիցներին` Վահան Քերոբյանն ընդգծել է Հայաստանում Համաշխարհային բանկի հետ համատեղ իրականացվող ծրագրերի  արդյունավետությունը՝ այս համատեքստում հատկապես կարևորելով 2015 թվականից հանրապետությունում մեկնարկած CARMAC2 ծրագիրը։

Այնուհետև Դավիթ Մեջլումյանը համառոտ ներկայացրել է CARMAC2 ծրագրի շրջանակում իրականացված աշխատանքներն ու արդյունքները։ Նա նշել է, որ ծրագրի իրականացման ընթացքում ՀՀ 8 մարզի 109 համայնքում/բնակավայրում հիմնադրվել են Արոտօգտագործողների միավորում սպառողական կոոպերատիվներ՝ ընդգրկելով շուրջ 10,600 տնտեսություններ։

Ծրագրով 95 համայնքների արոտներում կառուցվել է շուրջ 250 կմ ջրարբիացման ցանց, 235 խմոց, 46 փարախ և 42 հովվի կացարան։ Կոոպերատիվներին տրամադրվել է շուրջ 1000 միավոր գյուղատնտեսական տեխնիկա, որից 205 միավոր տրակտոր, 112 հավաքիչ մամլիչ և 683 այլ գործիք։

 Բացի այդ, կոոպերատիվների 3500 անդամի համար կազմակերպվել է ուսուցում՝ արոտների կայուն կառավարման, կթի, մորթի կազմակերպման, ֆինանսական և սոցիալական թեմաներով։

Դավիթ Մեջլումյանը նաև տեղեկացրել է, որ իրականացված աշխատանքների արդյունքում շուրջ 130 հազար հեկտար չօգտագործվող կամ թերի օգտագործվող արոտավայրեր ջրարբիացվել են, իսկ այն համայնքներում, որտեղ արոտավայր տանող ճանապարհները անանցանելի են եղել, բարեկարգվել են։

Այնուհետև պատվիրակության անդամների հետ քննարկվել են երկկողմ համագործակցության հնարավորությունները հատկապես այն ուղղություններով, որոնք համահունչ կլինեն Հայաստանի գյուղատնտեսության ոլորտում իրականացվող քաղաքականությանը։ Անդրադարձ է կատարվել պարենային անվտանգության խնդիրներին, գյուղատնտեսության ոլորտում արտադրողականության բարձրացմանը, պետական աջակցության գործիքակազմի կիրառմանը։

Քննարկվել են նաև լոգիստիկ խնդիրների կարգավորմանը, արտահանումների արդյունավետ կազմակերպմանն ու նոր շուկաներ մուտք գործելու նպատակով արտահանմանման դիվերսիֆիկացմանн առնչվող մի շարք հարցեր։

«Համայնքների գյուղատնտեսական ռեսուրսների կառավարման և մրցունակության» երկրորդ ծրագրի (CARMAC2) հիմնական նպատակն է բարելավել թիրախային համայնքներում արոտավայրերի և անասնապահության համակարգերը, հաստատել արտադրողների և վերամշակողների կապը շուկաների հետ, ինչպես նաև հզորացնել պետական ոլորտի կառույցների կարողությունները։

Ծրագիրը ներառում է հետևյալ չորս բաղադրիչները՝ համայնքի արոտավայրերի և անասնապահության կառավարման համակարգեր, արժեշղթայի զարգացում, պետական կառույցների կարողությունների հզորացում, ծրագրի համակարգում և կառավարում։


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Միջազգային համագործակցություն
• Ֆրանսիա կատարած պաշտոնական այցի շրջանակներում Ռոբերտ Խաչատրյանը մի շարք հանդիպումներ է ունեցել• Հայ-ուդմուրտական գործարար համաժողով Երևանում• ՀԿԵ. Հայաստանի և Վրաստանի երկաթուղիները զարգացնում են համագործակցությունը• Ռուսաստանը վերացրել է ցամաքային սահմանով ՀՀ քաղաքացիների մուտքի բոլոր սահմանափակումները• Մինսկում կայացել է Նիկոլ Փաշինյանի և Միխայիլ Միշուստինի հանդիպումը• Վարչապետը Կատարի գործարար խորհրդի անդամների հետ քննարկել է ՀՀ-ում ներդրումային ծրագրերի իրականացմանը վերաբերող հարցեր• Կայացել է ԵՄ Տնտեսական և ներդրումային պլանի ներքո իրականացվող ծրագրերի վերաբերյալ քննարկում• ՀՀ վարչապետը և Կատարի Էմիրը քննարկել են երկու երկրների համագործակցության զարգացմանը վերաբերող մի շարք հարցեր• Տեղի է ունեցել Հայաստանի և Կատարի վարչապետների հանդիպումը, որի արդյունքներով ստորագրվել են մի շարք փաստաթղթեր

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն