«Կուսակցությունների մասին» սահմանադրական օրենքի և «Կոռուպցիայի կանխարգելման հանձնաժողովի մասին» օրենքի վերջին փոփոխությունների արդյունքում Կոռուպցիայի կանխարգելման հանձնաժողովին (այսուհետ՝ Հանձնաժողով) է վերապահվել կուսակցությունների ընթացիկ ֆինանսական գործունեության նկատմամբ վերահսկողության իրականացումը, ներառյալ՝ կուսակցությունների ֆինանսական միջոցների աղբյուրների և ծախսերի, ինչպես նաև գույքի մասին տարեկան հաշվետվությունների ներկայացման պահանջների պահպանման և դրանցում առկա տեղեկատվության և տվյալների արժանահավատության և ամբողջականության ստուգումը: Այդ գործառույթի արդյունավետ իրականացման համար Հանձնաժողովը մշակել է «Կուսակցությունների ֆինանսական միջոցների աղբյուրների և ծախսերի, ինչպես նաև գույքի մասին տարեկան հաշվետվությունների աուդիտի նպատակով աուդիտորական կազմակերպությունների ընտրության կարգը և նրանց ներկայացվող պահանջները սահմանելու վերաբերյալ» որոշման նախագիծ, որի ընդունման պարագայում հնարավոր կդառնա Կոռուպցիայի կանխարգելման հանձնաժողովի կողմից աուդիտորական կազմակերպությունների ընտրության գործընթացի, ինչպես նաև կուսակցությունների տարեկան հաշվետվությունների հնարավորինս օբյեկտիվ, անկախ և անաչառ ուսումնասիրության կազմակերպումը:
ՆԱԽԱԳԻԾ
ԿՈՌՈՒՊՑԻԱՅԻ ԿԱՆԽԱՐԳԵԼՄԱՆ ՀԱՆՁՆԱԺՈՂՈՎ
ՈՐՈՇՈՒՄ
ԿՈՒՍԱԿՑՈՒԹՅՈՒՆՆԵՐԻ ՖԻՆԱՆՍԱԿԱՆ ՄԻՋՈՑՆԵՐԻ ԱՂԲՅՈՒՐՆԵՐԻ ԵՎ ԾԱԽՍԵՐԻ, ԻՆՉՊԵՍ ՆԱԵՎ ԳՈՒՅՔԻ ՄԱՍԻՆ ՏԱՐԵԿԱՆ ՀԱՇՎԵՏՎՈՒԹՅՈՒՆՆԵՐԻ ԱՈՒԴԻՏԻ ՆՊԱՏԱԿՈՎ ԱՈՒԴԻՏՈՐԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ԸՆՏՐՈՒԹՅԱՆ ԿԱՐԳԸ ԵՎ ՆՐԱՆՑ ՆԵՐԿԱՅԱՑՎՈՂ ՊԱՀԱՆՋՆԵՐԸ ՍԱՀՄԱՆԵԼՈՒ ՎԵՐԱԲԵՐՅԱԼ
Հիմք ընդունելով «Կոռուպցիայի կանխարգելման հանձնաժողովի մասին» օրենքի 21-րդ հոդվածի 15-րդ մասը և 40.2-րդ հոդվածի 5-րդ մասի դրույթները՝ Կոռուպցիայի կանխարգելման հանձնաժողովը (այսուհետ՝ Հանձնաժողով)
Ո Ր Ո Շ ՈՒ Մ Է
- Սահմանել աուդիտորական կազմակերպությունների ընտրության կարգը և նրանց ներկայացվող պահանջները` hամաձայն Հավելվածի։
- Հաստատել կուսակցությունների կողմից ֆինանսական միջոցների աղբյուրների և ծախսերի, ինչպես նաև գույքի վերաբերյալ տարեկան հաշվետվությունների պարտադիր աուդիտի կազմակերպման նպատակով տրամադրվող անհրաժեշտ տեղեկությունների ներկայացման ձևը՝ համաձայն Հավելվածի Ձև 1-ի:
- Հաստատել բաց մրցույթ անցկացնելու մասին հայտարարության օրինակելի ձևը՝ համաձայն Հավելվածի Ձև 2-ի:
- Հաստատել բաց մրցույթին մասնակցելու համար դիմումի ձևը՝ համաձայն Հավելվածի Ձև 3-ի։
- Հաստատել տեխնիկական առաջարկի ներկայացման ձևը՝ համաձայն Հավելվածի Ձև 4-ի։
- Հաստատել տեխնիկական առաջարկի գնահատման թերթիկի ձևը՝ համաձայն Հավելվածի Ձև 5-ի։
- Հաստատել աուդիտորական ծառայությունների մատուցման պայմանագրի օրինակելի ձևը՝ համաձայն Հավելվածի Ձև 6-ի։
- Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
- Սույն որոշման Հավելվածի 10-րդ կետն ուժի մեջ է մտնում 2023 թվականի հունվարի 1-ից:
- Սույն որոշման Հավելվածի 49-րդ կետի 3-րդ և 6-րդ ենթակետերն ուժի մեջ են մտնում 2023 թվականի հունվարի 1-ից:
- Սահմանել, որ 2022 թվականին նախորդող հաշվետու տարում պետական ֆինանսավորում ստացած կուսակցությունների ցանկը ստանալու համար Կոռուպցիայի կանխարգելման հանձնաժողովը դիմում է Հայաստանի Հանրապետության ֆինանսների նախարարություն մինչև 2022 թվականի մայիսի 31-ը:
- Սահմանել, որ աուդիտորական կազմակերպությունների ընտրության համար անցկացվող բոլոր մրցույթների կազմակերպման և անցկացման նպատակով Կոռուպցիայի կանխարգելման հանձնաժողովում Մրցութային հանձնաժողովը 2022 թվականին ձևավորվում է մինչև մայիսի 15-ը:
Հանձնաժողովի նախագահ` Հ. Հարությունյան
Հանձնաժողովի անդամներ` Ա. Փաշինյան
Մ. Գալստյան
Լ. Ալեքսանյան
Ն.Համբարձումյան
ՀԻՄՆԱՎՈՐՈՒՄ
«ԿՈՒՍԱԿՑՈՒԹՅՈՒՆՆԵՐԻ ՖԻՆԱՆՍԱԿԱՆ ՄԻՋՈՑՆԵՐԻ ԱՂԲՅՈՒՐՆԵՐԻ ԵՎ ԾԱԽՍԵՐԻ, ԻՆՉՊԵՍ ՆԱԵՎ ԳՈՒՅՔԻ ՄԱՍԻՆ ՏԱՐԵԿԱՆ ՀԱՇՎԵՏՎՈՒԹՅՈՒՆՆԵՐԻ ԱՈՒԴԻՏԻ ՆՊԱՏԱԿՈՎ ԱՈՒԴԻՏՈՐԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ԸՆՏՐՈՒԹՅԱՆ ԿԱՐԳԸ ԵՎ ՆՐԱՆՑ ՆԵՐԿԱՅԱՑՎՈՂ ՊԱՀԱՆՋՆԵՐԸ ՍԱՀՄԱՆԵԼՈՒ ՎԵՐԱԲԵՐՅԱԼ»
ԿՈՌՈՒՊՑԻԱՅԻ ԿԱՆԽԱՐԳԵԼՄԱՆ ՀԱՆՁՆԱԺՈՂՈՎԻ ՈՐՈՇՄԱՆ
1. Ընթացիկ իրավիճակը և իրավական ակտի ընդունման անհրաժեշտությունը
2020 թվականի դեկտեմբերի 29-ին ընդունված «Կուսակցությունների մասին» սահմանադրական օրենքում և հարակից օրենքներում փոփոխություններ և լրացումներ կատարելու մասին օրենսդրական փաթեթով սահմանվել է, որ կուսակցությունների պարտադիր աուդիտն իրականացնում է Կոռուպցիայի կանխարգելման հանձնաժողովը՝ բաց մրցույթով ընտրված աուդիտորական կազմակերպությունների կողմից։ Միաժամանակ, նույն փաթեթի շրջանակներում փոփոխություններ են կատարվել «Կոռուպցիայի կանխարգելման հանձնաժողովի մասին» օրենքում, որի 40.2 հոդվածի 5-րդ մասի համաձայն՝ կուսակցությունների տարեկան հաշվետվությունների աուդիտն իրականացնող աուդիտորական կազմակերպությունների ընտրության կարգը և նրանց ներկայացվող պահանջները սահմանում է Կոռուպցիայի կանխարգելման հանձնաժողովը։
Ներկայումս սահմանված չէ կուսակցությունների ֆինանսական միջոցների աղբյուրների, ծախսերի, գույքի, ինչպես նաև պարտավորությունների մասին տարեկան հաշվետվությունների աուդիտի նպատակով Կոռուպցիայի կանխարգելման հանձնաժողովի կողմից աուդիտորական կազմակերպությունների ընտրության կարգը:
2. Առաջարկվող կարգավորման բնույթը
Հիմք ընդունելով վերոնշյալ դրույթների պահանջները՝ ներկայումս անհրաժեշտություն է առաջացել սահմանելու կուսակցությունների տարեկան հաշվետվությունների աուդիտն իրականացնող աուդիտորական կազմակերպությունների ընտրության կարգը: Վերոնշյալ կարգը սահմանվում է «Կուսակցությունների ֆինանսական միջոցների աղբյուրների և ծախսերի, ինչպես նաև գույքի, մասին տարեկան հաշվետվությունների աուդիտի նպատակով աուդիտորական կազմակերպությունների ընտրության կարգը և նրանց ներկայացվող պահանջները սահմանելու վերաբերյալ» Կոռուպցիայի կանխարգելման հանձնաժողովի որոշմամբ (այսուհետ՝ Որոշում):
Որոշման բաղկացուցիչ մաս հանդիսացող հավելվածը սահմանում է աուդիտորական կազմակերպությունների ընտրության նպատակով ձևավորվող մրցութային հանձնաժողովի կազմավորման կարգը և գործառույթները, մրցույթին մասնակցելու համար աուդիտորական կազմակերպություններին ներկայացվող նվազագույն պահանջները, մրցույթին մասնակցելու սահմանափակումները, մրցութային առաջարկների պատրաստման և ներկայացման կարգը և ժամկետները, մրցութային առաջարկների բացման, գնահատման կարգը և գնահատման մեթոդաբանությունը, աուդիտորական կազմակերպության վերջնական ընտրության կարգը, կուսակցությունների տարեկան հաշվետվությունների աուդիտի իրականացման շրջանակները և աուդիտորական կազմակերպությունների ընտրության կարգին ուղղված այլ կարգավորումներ:
Միևնույն ժամանակ, հարկ է նշել, որ հանրային քննարկման են ներկայացվել ««Կուսակցությունների մասին» սահմանադրական օրենքում փոփոխություններ և լրացումներ կատարելու մասին» սահմանադրական օրենքի, ««Կոռուպցիայի կանխարգելման հանձնաժողովի մասին» օրենքում փոփոխություններ և լրացումներ կատարելու մասին» օրենքի և հարակից օրենքներում փոփոխություններ և լրացումներ կատարելու մասին օրենքների նախագծերը, որոնցում նախատեսված են կուսակցությունների ֆինանսական միջոցների աղբյուրների, ծախսերի, գույքի, ինչպես նաև պարտավորությունների մասին տարեկան հաշվետվությունների աուդիտի նպատակով աուդիտորական կազմակերպությունների ընտրության կարգին վերաբերող մի շարք օրենսդրական փոփոխություններ:
Որոշումը բովանդակում է դրույթներ, որոնց ընդունման անհրաժեշտությունն ուղղակիորեն բխում է նաև վերոնշյալ օրենքների նախագծերի ընդունումից:
3. Նախագծի մշակման գործընթացում ներգրավված ինստիտուտները, անձինք և նրանց դիրքորոշումը
Նախագիծը մշակվել է Կոռուպցիայի կանխարգելման հանձնաժողովի կողմից:
4. Ակնկալվող արդյունքը
Որոշման ընդունման պարագայում հնարավոր կդառնա օրենսդրական փոփոխությունների արդյունքում Կոռուպցիայի կանխարգելման հանձնաժողովին վերապահված գործառույթների պատշաճ իրականացումը, մասնավորապես՝ աուդիտորական կազմակերպությունների ընտրության գործընթացի, ինչպես նաև կուսակցությունների տարեկան հաշվետվությունների հնարավորինս օբյեկտիվ, անկախ և անաչառ ուսումնասիրության կազմակերպումը:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться