• Armenianeconomy.com

Քննարկվել են ԱԶԲ հետ համագործակցության հեռանկարները

Մարտի 18-ին էկոնոմիկայի նախարար Վահան Քերոբյանն ընդունել է Ասիական զարգացման բանկի (ԱԶԲ) տնօրենների խորհրդում Հայաստանը ներկայացնող գործադիր տնօրեն Արիֆ Բահարուդինին և նրա գլխավորած պատվիրակությանը: Հանդիպմանը մասնակցել է նաև նախարարի տեղակալ Անի Իսպիրյանը։ 

Ողջունելով հյուրերին` Վահան Քերոբյանը կարևորել է ԱԶԲ-ի հետ համագործակցությունը, շնորհակալություն հայտնել տարիների ընթացքում ձևավորված կառուցողական գործակցության համար և նշել, որ ԱԶԲ-ն զգալի ներգրավվածություն ունի Հայաստանում իրականացված և իրականացվող մի շարք ծրագրերում:  

Արիֆ Բահարուդինն, իր հերթին, նշել է, որ Հայաստանը Ասիական զարգացման բանկի այն գործընկերներից է, որն ունի տնտեսական զարգացման մեծ ներուժ և հնարավորություններ և հայտնել բանկի պատրաստակամությունը շարունակելու օժանդակությունն ու աջակցությունը Հայստանի իշխանություններին` օգնելով ամուր հիմքեր ապահովել տնտեսության ներառական, դիվերսիֆիկացված և փոխակերպվող աճի համար:

Վահան Քերոբյանը հյուրերին ներկայացրել է կառավարության ծրագրի տնտեսական հատվածը՝ նշելով ծրագրի առաջնահերթությունները, զարգացման հիմնական ուղղությունները, իրականացվող բարեփոխումները։

Հանդիպման ընթացքում քննարկվել են Ասիական զարգացման բանկի հետ ունեցած ընթացիկ ծրագրերը: Շեշտելով իրականացվող ծրագրերի արդյունավետությունը` Վահան Քերոբյանը նշել է, որ դրանք կարևոր են նաև նրանով, որ ազդեցություն ունեն մարդկային կյանքի վրա և այն փոխում են դեպի լավը:

Այս համատեքստում նախարարն անդրադարձել է իրականացվող նոր ծրագրերին, որտեղ ԱԶԲ-ն կարող է օժանդակություն ցուցաբերել, իսկ փորձագետները՝ տրամադրել խորհրդատվություն։ Նախարարը տեղեկացրել է նաև Գյումրիում, Արարատում, Սյունիքում արդյունաբերական պարկերի ստեղծման նպատակով իարականցվող աշխատանքների մասին։   

Մտքեր են փոխանակվել տարածաշրջանային և համաշխարհային մարտահրավերների, ստեղծված աշխարհաքաղաքական իրավիճակի և դրանց հաղթահարմանն ուղղված միջոցառումների իրականացման վերաբերյալ: Այս համատեքստում կարևորվել է նոր շուկաներ փնտրելու և հայկական ընկերությունների ներկայացվածությունն աշխարհի շուկաներում ավելի ընդլայնելու անհրաժեշտությունը: 

Քննարկվել են նաև հանրային ներդրումների կառավարման համակարգի իրավական դաշտի բարելավման, պետություն-մասնավոր համագործակցության, գյուղատնտեսության, կանաչ տնտեսության, մարդկային կապիտալի զարգացման հետ կապված հարցեր։

Հանդիպման ավարտին երկուստեք կարևորվել է համագործակցության շրջանակի շարունակական ընդլայնումը:

 


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Միջազգային համագործակցություն
• Գործարարներն իրենց մոտեցումները ներկայացրին ԵՏՀ օրակարգում ներառված հարցերի առնչությամբ• Իրանում քննարկվել են հանքարդյունաբերության ոլորտում Հայաստանի համագործակցության հնարավորությունները• ՀՀ դեսպանը և Արևելյան Ատրպատականի նահանգապետը հնարավոր են համարել ՀՀ-ԻԻՀ առևտրաշրջանառությունը 1 միլիարդ դոլարի հասցնելը• Կայացավ ՀԱԳՄ և Եվրասիական տնտեսական հանձնաժողովի աշխատանքային հանդիպումը• Քննարկվում է Լեհաստանում Հայաստանի առևտրային ներկայացուցչության ստեղծման հնարավորությունը• «Mitsubishi Heavy Industries Russia» ընկերությունը ցանկանում է գործունեություն ծավալել Հայաստանում• Վահան Քերոբյանը հանդիպել է Հայաստանում Ամերիկայի առևտրի պալատի ներկայացուցիչների հետ• Քննարկվել են տնտեսության ոլորտում հայ-սիրիական համագործակցության ընդլայնման հնարավորությունները• Նախարար Քերոբյանն ու ՀՀ-ում Սիրիայի դեսպանը քննարկել են տնտեսության ոլորտում կապերի ամրապնդման հնարավորությունները

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն