Հայաստանի ագրոհատվածին նվիրված միջազգային խորհրդաժողով կկազմակերպվի Գերմանիայի Դաշնային Հանրապետության Հեսսենի երկրամասում, հաղորդում է հանրապետության գյուղատնտեսության նախարարության մամուլի ծառայությունը։
Խորհրդաժողովի կազմակերպման մասին առաջարկը հնչել է ՀՀ գյուղատնտեսության նախարար Սերգո Կարապետյանի և Գերմանիայի Դաշնային Հանրապետության Հեսսենի երկրամասի Բերգստրասե տարածաշրջանի ղեկավար Մաթիաս Վիլկեսի և նույն երկրամասում ՀՀ պատվո հյուպատոս Բրայան Ֆերանի հետ հանդիպման ժամանակ:
«Ֆորումի նյութերն ու Հայաստանի գյուղատնտեսության մասին պատմող տեղեկատվությունը մենք կտեղադրենք տեղական կայքէջերում, նպաստելով Հայաստանի բարեկամների ավելացմանը»,- նշել է պարոն Ֆերանը:
Սերգո Կարապետյանը գոհունակությամբ է արձագանքել առաջարկությանն ու հրավերին և պատրաստակամություն է հայտնել ըստ ամենայնի աջակցել համագործակցության ցանկացած դրսևորման:
ՀՀ գյուղատնտեսության նախարարը ողջունել է հյուրերին և ներկայացրել հայ-գերմանական առնչությունները գյուղատնտեսության բնագավառում, կարևորել գերմանացի գործարարների Հայաստանի գյուղատնտեսությունում ներդրումներ կատարելու պատրաստակամությունը: Սերգո Կարապետյանն առանձնակի գոհունակությամբ է անդրադարձել Բրայան Ֆերանի կողմից Հայաստանի գյուղատնտեսության մեջ կատարած ներդրումների փաստին:
«Դուք փաստորեն այսօր մեր խոշոր ֆերմերներից եք, ունեք պտղատու և խաղողի բավականին մեծ այգետարածքներ: Դա հիանալի է: Սակայն Հայաստանի գյուղատնտեսությունը ունի չօգտագործված մեծ ներուժ, և մենք ուրախ կլինենք գերմանացի այլ ներդրողների ևս ընդգրկելու այդ գործընթացներում»,- նշել է նախարարը:
Հանդիպման ավարտին նախարարն առաջարկել է հյուրերին' ուսումնասիրել Հայաստանում սննդի անվտանգության ժամանակակից լաբարատորիայի ստեղծմանն ու խոզաբուծական խոշոր համալիրի հիմնադրմանն օժանդակելու հնարավորությունը:
Աղբյուրը՝ arka.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться