Մարտի 2-ից մինչև մարտի 15-ն ընկած ժամանակահատվածում շուրջ 6500 ոչ ռեզիդենտ մուտք է գործել Հայաստանի բանկային համակարգ: «Արմենպրես»-ի հաղորդմամբ՝ այս մասին հայտնեց ՀՀ Կենտրոնական բանկի նախագահ Մարտին Գալստյանն՝ անդրադառնալով դիտարկմանը, որ Ռուսաստանի որոշ քաղաքացիներ, որոնք տեղափոխվել են Հայաստան, խնդիր ունեն բանկային հաշիվների բացման հետ կապված:
Գալստյանն ընդգծեց, որ անկախ կոնֆլիկտից, որևէ սանկցիայից, միշտ ցանկացած բանկային համակարգում ոչ ռեզիդենտների նկատմամբ ներկայացվող պահանջները լինում են ավելի խիստ: ԿԲ նախագահը Հայաստանի բանկերի մոտեցումը բավականին ճիշտ է գնահատում, բանկերի կողմից նոր հաճախորդների ներգրավումը տեղի է ունենում պատշաճ ընթացակարգերի համաձայն:
«Դա նշանակում է, որ բանկերը պատշաճ ուսումնասիրում են իրենց նոր հաճախորդներին, փորձում հասկանալ՝ նրանք տրանզիտ հաճախորդնե՞ր են, թե՞ նրանց տնտեսական շահի կենտրոնը հանդիսանում է ՀՀ-ն: Եթե հաճախորդները ներգրավվում են Հայաստանի բանկային համակարգ, որովհետև իրենց տնտեսական շահի կենտրոնի փոփոխություն է տեղի ունեցել և դարձել է ՀՀ-ն, ես կարծում եմ, որ որևէ խնդիր չի առաջանում: Եթե բանկերի գնահատմամբ՝ Հայաստանի բանկային համակարգը օգտագործվում է որպես տարանցիկ գործառնությունների համար իրականացվող մեխանիզմ, այդ պարագայում բնականաբար բանկերն արձագանքում են իրենց հայեցողությամբ»,- ասաց Գալստյանը:
ԿԲ նախագահի տեղեկությամբ՝ այս պահի դրությամբ շուրջ 6500 ոչ ռեզիդենտ արդեն մուտք է գործել Հայաստանի բանկային համակարգ: Դա վերաբերում է մարտի 2-ից մինչև մարտի 15-ն ընկած ժամանակահատվածին:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться