• Armenianeconomy.com

ԱՄՆ-ի պետական պարտքն առաջին անգամ գերազանցել Է 30 տրիլիոն դոլարը

 Միացյալ Նահանգների պետական պարտքն առաջին անգամ գերազանցել Է 30 տրիլիոն դոլարը: Այդ մասին են վկայում ԱՄՆի ֆինանսների նախարարության՝ փետրվարի 1-ին հրապարակված տվյալները, տեղեկացնում Է «Արմենպրես»-ը:

Ֆինանսների նախարարության հրապարակած փաստաթղթում «միագումար պետական պարտք» սյունակում նշված Է 30,012 տրիլիոն դոլար գումարը: Դա ԱՄՆ-ի պետական պարտքի ռեկորդային ցուցանիշ Է դրա գոյության ամբողջ ժամանակամիջոցում: Ինչպես գրում Է The New York Times թերթը, ընթացիկ մեծությունները ձեռք են բերվել մի քանի տարի առաջ, քան ենթադրվում Էր:

Դա դարձել Է տրիլիոնավոր պետական ծախսերի արդյունքը, որոնք Միացյալ Նահանգներն ուղղորդել Է համավարակի դեմ պայքարին, ներառյալ 5 տրիլիոն դոլարը գործազրկության, փոքր գործարարության ֆինանսական օժանդակման ընդլանված նպաստների վճարումների եւ խթանող վճարումների համար, որոնք ֆնանսավորվել են փոխառության փողերով: 2021 թվականի առաջին կեսին COVID-19-ի դեպքերի թվի նվազման ֆոնին ԱՄՆ-ի տնտեսությունում դիտվել Է համախառն ներքին արդյունքի (ՀՆԱ) կտրուկ վերականգնողական աճ. 6,3 տոկոս առաջին եռամսյակում եւ 6,7 տոկոս՝ երկրորդում:

Սակայն երրորդ եռամսյակում աճը դանդաղել Է մինչեւ 2,3 տոկոս: Փորձագետները դա կապել են «օմիկրոն» շտամի տարածման, բարձր գնաճի (2021 թվականի դեկտեմբերի արդյունքներով այն հասել Է 6,8 տոկոս նշագծին՝ ամենաբարձր ցուցանիշը 1982 թվականից ի վեր) եւ մատակարարումների գլոբալ շղթաների խնդիրների հետ: Դոնալդ Թրամփի նախագահության վերջին տարին (2020) ԱՄՆ-ի տնտեսությունը կրճատվեց 3,5 տոկոսով. դա առաջին անկումն Է 2008 թվականի ֆինանսական ճգնաժամից հետո եւ ամենանշանակալիցը 1946 թվականից հետո (այն ժամանակ երկրի ՀՆԱ-ն նվազել Էր 11,6 տոկոսով):

Ջո Բայդենի նախագահության առաջին տարվա արդյունքներով Դաշնային պահուստային համակարգը կանխատեսում Է 5,5 տոկոսով աճ: Շարունակվող համավարակի պատճաով ԱՄՆ-ը նաեւ հարկադրված Է վերցնելու ավելի ու ավելի շատ փոխառություններ. 2021 թվականի վերջի դրությամբ պետական պարտքը կազմել Է ավելի քան 29 տրիլիոն դոլար (ՀՆԱ-ի շուրջ 125 տոկոսը), ինչն իշխանություններին հարկարդել Է պետական պարտքի առավելակետը բարձրացնելու մինչեւ 31,4 տրիլիոն դոլար, հաղորդել Է ՏԱՍՍ-ը:

armenpress.am


Անուն*
Ձեր էլ. հասցեն*
Ուղարկվող էլ. հասցեն*
 

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն