ՀՀ բարձր տեխնոլոգիական արդյունաբերության նախարարությունում տեղի է ունեցել հանդիպում-քննարկում՝ Հայաստանի քաղաքային, գյուղական, ինչպես նաև սահմանամերձ բնակավայրերում լայնաշերտ օպտիկամանրաթելային ինտերնետ կապի և պետական թվային ծառայությունների հասանելիությամբ ապահովման հարցերի շուրջ:
Հանդիպմանը մասնակցել են ՀՀ կապի օպերատորների ղեկավարները, ՀՀ ազգային անվտանգության ծառայության, ՀՀ հանրային ծառայությունները կարգավորող հանձնաժողովի ներկայացուցիչները, նախարարության համապատասխան ստորաբաժանումների ղեկավարները:
Վահագն Խաչատուրյանը ողջունել է ներկաներին՝ ընդգծել պետություն-մասնավոր հատված համագործակցության կարևորությունը, նշել, որ ՀՀ կառավարության առաջնահերթություններից է Հայաստանի բոլոր բնակավայրերում լայնաշերտ օպտիկամանրաթելային ինտերնետի հասանելիության ապահովումը, ինչի ուղղությամբ նախարարությունը նպատակաուղղված աշխատանքներ է իրականացնում։
Հանդիպման ընթացքում քննարկվել են լայնաշերտ ինտերնետ հասանելիության ցանցերի և ենթակառուցվածքների հեռանկարային զարգացման ու ընդլայնման նախագծերին վերաբերող մի շարք հարցեր։
Կապի օպերատորները ներկայացրել են տեղեկատվություն՝ իրենց կողմից շարժական բջջային և օպտիկամանրաթելային կապի ցանցերի ընդլայնման ուղղությամբ իրականացվող աշխատանքների մասին, ինչպես նաև անդրադարձ է եղել ցանցերի կառուցման ընթացքում առաջ եկած խոչընդոտներին, ճանապարհաշինական, քաղաքաշինական աշխատանքների ընթացքում ստեղծված խնդիրներին, դրանց լուծման հնարավորություններին։
Քննարկում է ծավալվել ՀՀ սահմանամերձ բնակավայրերում լայնաշերտ օպտիկամանրաթելային ենթակառուցվածքների ընդլայնման համար ՀՀ կառավարությունից ակնկալվող օժանդակության ձևերի, օրենսդրական փոփոխությունների անհրաժեշտության, ցանցերի գույքագրման և քարտեզագրման կարևորության, սահմանային բնակավայրերում լայնաշերտ ինտերնետ ծառայությունների մատչելի սակագնային պլանների կիրառման հնարավորությունների, մի շարք այլ հարցերի շուրջ:
Դիտարկվել են պետություն-մասնավոր հատված համագործակցության առավել արդյունավետ ձևաչափերը։ Պայմանավորվածություն է ձեռք բերվել պարբերաբար կազմակերպել աշխատանքային քննարկումներ և ընտրել ոլորտի զարգացման ու առաջընթացին ուղղված ամենաարդյունավետ մոդելը և միասնաբար առաջ շարժվել։
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться