ՀՀ էկոնոմիկայի նախարարությունում նախարար Վահան Քերոբյանի գլխավորությամբ տեղի է ունեցել խորհրդակցություն, որին մասնակցել են նախարարի տեղակալներ Նարեկ Տերյանն ու Արշակ Ասլանյանը, պետական հատվածի և գործարար համայնքի մի շարք ներկայացուցիչներ։
Հանդիպման նպատակն էր քննարկել տնտեսության ոլորտում հայ-չինական առևտրատնտեսական համագործակցության ներկա վիճակը, Հայաստանի և Չինաստանի միջև գործարար կապերի ընդլայնման հնարավորությունները։
Մասնակիցները նշել են, որ չինական շուկան մեծ հետաքրքրություն է ներկայացնում հայկական արտադրանքի իրացման տեսանկյունից և պետության ու մասնավոր հատվածի համատեղ ջանքերով հարկավոր է ակտիվացնել հայ-չինական փոխգործակցությունը։
Այնուհետև քննարկվել են դեպի չինական շուկա հայկական արտադրանքի արտահանումներն ավելի արդյունավետ կազմակերպելու, արտահանման ծավալներն ավելացնելու հնարավոր տարբերակները։
Պետական և մասնավոր հատվածի ներկայացուցիչները համակարծիք էին, որ հարկավոր է բարձրացնել չինական շուկայում Հայաստանի գրավչությունը։ Հայաստանն ու հայկական արտադրանքը ավելի ճանաչելի դարձնելու նպատակով ընդգծվել է Չինաստանում կազմակերպվող տարբեր ցուցահանդեսներում և էքսպոներում հայկական ընկերությունների մասնակցության և տնտեսության վերաբերյալ ճանաչողական հոլովակների պատրաստման և չինական լայն հանրությանը ներկայացման անհրաժեշտությունը։
Զբոսաշրջության ոլորտում երկկողմ հարաբերություններն ավելի ակտիվացնելու նպատակով դիտարկվել է Հայաստանի և Չինաստանի միջև ուղիղ չվերթների կազմակերպման հնարավորությունը։
Հանդիպման ընթացքում գործարարները ներկայացրել են չինական շուկայում հայ արտադրողների խնդիրներն ու խոչընդոտները, լսել առաջարկներ դրանց կարգավորման ուղղությամբ։
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться