Այս տարվա ընթացքում Սյունիքի հյուրանոցներում և հյուրատներում զբաղվածությունը բավարար չի եղել և Կառավարությունը որոշել է լրացուցիչ օժանդակություն տրամադրել ոլորտի տնտեսվարողներին։ Ինչպես տեղեկացնում է «Արմենպրես»-ը, Ազգային ժողովում Կառավարության հարց ու պատասխանի ժամանակ այս մասին ասաց Էկոնոմիկայի նախարար Վահան Քերոբյանը՝ պատասխանելով «Քաղաքացիական պայմանագիր» խմբակցության պատգամավոր Արմեն Խաչատրյանի հարցին, թե վերջին շրջանում ինչպիսի՞ փոխհատուցումներ և օգնություն է տրվել Սյունիքի մարզի հյուրանոցներին և հյուրատներին և որքա՞ն է այդ փոխհատուցումների ծավալը։
«Ինչպես գիտեք Սյունիքում գտնվող հյուրանոցները առանձնակի են տուժել կորոնավիրուսից և պատերազմի շոկերից, քանի որ նաև անվտանգային որոշակի դժվարություններ և խնդիրներ այնտեղ կար։ Սյունիքի հյուրանոցներում զբաղվածությունը այս տարվա ընթացքում բավարար չի եղել և Կառավարությունը որոշեց լրացուցիչ օժանդակություն տրամադրել Սյունիքի հյուրանոցներին և այդ օժանդակության չափը կազմում է 175 միլիոն դրամ»,- ասաց Քերոբյանը։
Նախարարը նշեց, որ Կառավարությունը ուշի-ուշով հետևում է իրադրությանը, ինչպես է զարգանում զբոսաշրջությունը ամբողջ Հայաստանում և հատկապես Սյունիքում՝ անհրաժեշտության դեպքում լրացուցիչ օժանդակություն կտրամադրվի։
« Գիտենք նաև, որ բավականին ակտիվ աշխատում է Սյունիքի հարցերով աշխատանքային խումբը։ Այնտեղ անցած տարվա ընթացքում մեկ միլիարդից ավել գումար է հատկացվել տարբեր նախագծերին և աշխատանքները այնտեղ շարունակվում են»,- եզրափակեց Քերոբյանը։
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться