Մարտի 20-23-ին Հայաստանի ազգային մրցունակության հիմնադրամը (ՀԱՄՀ) տեղական 13 զբոսաշրջային ընկերությունների հետ համատեղ ներկայացնելու է Հայաստանը Ռուսաստանի մայրաքաղաք Մոսկվայում կայանալիք «MITT» միջազգային զբոսաշրջային ցուցահանդեսին:
Այն Ռուսաստանի ամենամեծ ցուցահանդեսն է, եւ այս տարի նախատեսվում է 197 երկրներից շուրջ 3000 ընկերությունների մասնակցություն. այս տարի նաեւ նշվում է «MITT»-ի 20-ամյակը:
«Առաջատար այս ցուցահանդեսին Հայաստանի մասնակցությունը նպատակ ունի խթանել Ռուսաստանից ներգնա զբոսաշրջային հոսքերի աճը, ինչպես նաեւ առավելագույնս օգտագործել զբոսաշրջային ոլորտում առկա հայ-ռուսական համագործակցության մեծ ներուժը»,-նշել է ՀԱՄՀ գործադիր տնօրեն Արման Խաչատրյանը: «Սույն ցուցահանդեսը Ռուսաստանի Դաշնությունում Հայաստանի ճանաչելիության մակարդակի բարձրացմանը եւ զբոսաշրջության խթանմանն ուղղված 2013թ. մեր նախաձեռնության խորհրդանշական մեկնարկն է»,-ասել է նա:
«MITT» ցուցահանդեսում հայաստանյան պատվիրակության գլխավոր գործընկերն է ԱՄՆ Միջազգային զարգացման գործակալության (ԱՄՆ ՄԶԳ) «Ձեռնարկությունների զարգացման եւ շուկայի մրցունակության» («Ի-Դի-Էմ-Սի») ծրագիրը: «Մեր ծրագրի նպատակն է աջակցել ռուսաստանյան շուկայում հայկական զբոսաշրջային արտադրանքի ներկայացմանը եւ խթանմանը»,-նշեց «Ի-Դի-Էմ-Սի» ծրագրի ղեկավար Բրունո Կորնելիոն: «MITT-ի արդյունքում «Ի-Դի-Էմ-Սի»-ին ՀԱՄՀ-ի հետ համատեղ ռուսական լրատվամիջոցների եւ ճամփորդական գործակալների համար կկազմակերպի երկու ճանաչողական այց Հայաստան»,-նշել է Արման Խաչատրյանը:
Ռուսական շուկայում Հայաստանի բրենդի առաջմղման նպատակով Մոսկվայում մարտի 21-ին կազմակերպվելու է նաեւ ռուսական զբոսաշրջային գործակալների եւ առաջատար լրատվամիջոցների ներկայացուցիչների մասնակցությամբ հանդիպում-համաժողով, որի ընթացքում կներկայացվի Հայաստանի զբոսաշրջության գրավչությունը եւ զբոսաշրջային արդյունքները:
Աղբյուրը՝ news.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться