• Armenianeconomy.com

Մեծամորի 2-րդ էներգաբլոկը արդյունավետ կաշխատի 15 տարի. Ալեքսեյ Լիխաչով

16 նոյեմբերի 2021 | Տնտեսություն | Цитата

Հայկական ատոմային էլեկտրակայանի թիվ 2 էներգաբլոկը համալիր արդիականացման է ենթարկվել, վերականգնվել և ամրապնդվել են կայանի բոլոր կենսական տարրերը, այդ թվում նրա «սիրտը»՝ ռեակտորը: «Արմենպրես»-ի հաղորդմամբ՝ այդ մասին Մեծամորի ատոմակայանում տեղի ունեցած ճեպազրույցի ընթացքում հայտնեց Ռուսաստանի ատոմային էներգիայի «Ռոսատոմ» պետական կորպորացիայի գլխավոր տնօրեն Ալեքսեյ Լիխաչովը՝ խոսելով ատոմակայանի 2-րդ էներգաբլոկի շահագործման ժամկետը մինչև 2026 թվականը երկարաձգելու ծրագրի ավարտի մասին:

«Եթե թույլ տաք՝ ես որոշ համեմատություններ կանեմ մարդու օրգանիզմի հետ: Առաջին հերթին մենք լրջորեն վերականգնել և ամրապնդել ենք կայանի «սիրտը»՝ ռեակտորը: Պարզ ասած՝ երիտասարդացրել ենք ռեակտորը: Երկրորդը՝ խորապես արդիականացվել, գործնականում փոխարինվել է մեքենայական դահլիճը՝ էլեկտրաէներգիայի գեներացման դահլիճը՝ էներգիան վերարտադրող գլխավոր «մկանը», որի համար էլ առհասարակ գոյություն ունի ատոմային էլեկտրակայանը: Բացի այդ՝ «արյունատար համակարգը», ինչպես նաև «ուղեղը», իսկ ավելի կոնկրետ՝ կառավարման ավտոմատացված համակարգը (АСУ ТП) շատ բաղադրիչներով կամ արդիականացվել են, կամ էլ ամբողջությամբ փոխարինվել են: Ուստի այսօր կարող ենք խոսել ոչ թե պարզապես վերանորոգման, այլև կայանի արդիականացման աշխատանքները ավարտելու մասին», -  «Արմենպրես»-ին հայտնեց «Ռոսատոմ»-ի գլխավոր տնօրենը:

Լիխաչովի խոսքով՝ այդ ամենը թույլ է տալիս եզրակացնելու, որ քիչ ավելի հին Կոլայի ատոմակայանի համանմանությամբ Մեծամորի 2-րդ էներգաբլոկի համար կարելի է կանխատեսել առնվազն 15 տարվա կայուն և արդյունավետ աշխատանք:

«Շարունակելով հետազոտությունները, տեխնոլոգիական փոքր աշխատանքները պլանային վերանորոգումների ընթացքում՝ մենք մեր կողմից տեսնում ենք կայանի աշխատանքի հեռանկարը մոտավորապես մինչև 2035-36 թթ.: Բայց ինչպես դրան մոտենալ, ինչ աշխատանքներ և երբ կազմակերպել՝ դա, իհարկե, առաջին հերթին հայկական կողմի, համապատասխան կարգավորողի պատասխանատվության հարցն է: Եվ մենք էլ սերտորեն կհամագործակցենք մեր գործընկերների հետ», - հավելեց Ալեքսեյ Լիխաչովը:

«Ռոսատոմ»-ի գլխավոր տնօրեն Ալեքսեյ Լիխաչովը Հայկական ԱԷԿ-ի 2-րդ էներգաբլոկի արդիականացման և մինչև 2026 թ. շահագործման ժամկետի երկարաձգման ծրագրի ավարտի կապակցությամբ, ՀՀ ՏԿԵ նախարարի, ԶԼՄ-ների ներկայացուցիչների հետ միասին, այսօր այցելել էր Մեծամորի Հայկական ատոմային էլեկտրակայան:

Արամ Սարգսյան
armenpress.am


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Տնտեսություն
• Հայաստանում գնումների համակարգը կբարելավվի. Ֆինանսների նախարարությունը մշակվում է հայեցակարգ• Լրացուցիչ եկամուտներ` համայնքային բյուջեներին• Վահան Քերոբյանի գլխավորած պատվիրակությունը Մինսկում մի շարք հանդիպումներ և այցեր է ունեցել• Վարչապետը ներկա է գտնվել նոր էլեկտրակայանի բացման արարողությանը• Ստորագրվել է կառավարության աջակցության համաձայնագիր՝ 200 մեգավատ հզորությամբ ֆոտովոլտային էլեկտրակայանի կառուցման վերաբերյալ• ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ• ՊԵԿ. ՀԱՆՐԱՊԵՏՈՒԹՅԱՆ ԱՄԲՈՂՋ ՏԱՐԱԾՔՈՒՄ ՁԵՌՆԱՐԿՎԵԼ ԵՆ ՀԱՄԱԼԻՐ ՕՊԵՐԱՏԻՎ-ՀԵՏԱԽՈՒԶԱԿԱՆ ՄԻՋՈՑԱՌՈՒՄՆԵՐ• Երեխաների խնամքի ցերեկային ծառայություններ՝ Սյունիքի, Լոռու և Գեղարքունիքի մարզերում• ՏՏ ոլորտում համաշխարհային ներդրման համար 2020 թ. ՀՀ պետական մրցանակը շնորհվեց «Սինոփսիս» ընկերության նախագահին

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն