ՀՀ ԱԺ տնտեսական հարցերի մշտական հանձնաժողովը նոյեմբերի 10-ի նիստում առաջին ընթերցմամբ քննարկվել է ««Ավտոմոբիլային տրանսպորտի մասին» ՀՀ օրենքում փոփոխություն եւ լրացումներ կատարելու մասին» եւ կից ներկայացված նախագծերի փաթեթը:
ՀՀ տարածքային կառավարման եւ ենթակառուցվածքների նախարարի տեղակալ Արմեն Սիմոնյանի խոսքով՝ օրենսդրական փաթեթի նպատակը օդանավակայանի տարածքից ուղեւորափոխադրումներ կատարելու մրցակցային հավասար պայմաններ ստեղծելը եւ զբոսաշրջիկների համար պատշաճ որակ ապահովելն է: Փոխնախարարը հավելել է, որ փոփոխությունները վերաբերում են միայն մարդատար տաքսիների աշխատանքին: Օդանավակայանի տաքսիների կայանատեղից ուղեւորափոխադրում կատարելու համար սահմանվում է A տեսակի լիցենզիայի պահանջ, որի պետական տուրքը տարեկան 200 հազար դրամ է: Սահմանվել են նաեւ մեքենաների կահավորման, արտաքին տեսքի, տարիքային սահմանափակման պահանջներ. յոթ տարեկանից բարձր մեքենան շահագործելն արգելվում է: Առանց լիցենզիա օդանավակայանի կայանատեղից ուղեւորափոխադրում անելը կտուգանվի նվազագույն աշխատավարձի 50-ապատիկի չափով:
«Օդանավակայանի հատվածը կարգավորելուց բացի ցանկալի կլիներ տաքսի ծառայությունների վերաբերյալ ամբողջական կարգավորում ունենալ»,- նշել է տնտեսական հարցերի հանձնաժողովի նախագահի տեղակալ Բաբկեն Թունյանը:
Օրենսդրական փաթեթը ստացել է դրական եզրակացություն:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться