Ներքին ներդրումների խթանումը տնտեսությունում թույլ կտա նվազեցնել Հայաստանի կախվածությունն արտաքին գործոններից և համաշխարհային տնտեսության ցնցումներից, կարծում է «Այլընտրանք» հետազոտական կենտրոնի ղեկավար, տնտեսական գիտությունների դոկտոր Թաթուլ Մանասերյանը։
«Վստահ եմ, որ անհրաժեշտ է վերացնել կախվածությունն արտասահմանյան ներդրումներից, հատկապես այն նույն երկրներից, որոնք քաղաքական շահեր ունեն Հայաստանում։ Այն երկրները, որոնք երկարաժամկետ տնտեսական շահեր ունեն, նախընտրում են Հայաստանը, օրինակ, Ասիայի երկրները»,– ասաց նա մարտի 15-ին մամուլի ասուլիսում։
Մանասերյանը նշեց, որ կառավարությունը պետք է ուշադրություն դարձնի ներքին ներդրումների աշխուժացման խթանմանը, քանի որ օտարերկրյա ներդրումների ներհոսքի շարունակական բնույթը չի կարելի երաշխավորել։
Փորձագետի խոսքով, համաշխարհային տնտեսությունում իրավիճակից կախվածության բարձր մակարդակի հետրանքով Հայաստանում նախորդ տարի գրանցվել է օտարերկրյա ներդրումների էական անկում։
Հայաստանի Ազգային վիճակագրական ծառայությունների տվյալներով, Հայաստանի տնտեսության իրական հատվածում օտարերկրյա համախառն ներդրումները 2012 թվականի հունվար–սեպտեմբերին' 2011 թվականի հունվար–սեպտեմբերի համեմատ (ստացված ոչ բանկային համակարգով և առանց պետկառավարման) կրճատվել են 35.2 տոկոսով' կազմելով 391.1 մլն դոլար։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться