Ազգային ժողովի պետական-իրավական հարցերի ու ֆինանսավարկային եւ բյուջետային հարցերի մշտական հանձնաժողովների համատեղ նիստում նոյեմբերի 3-ին շարունակվել է «ՀՀ 2022թ. պետական բյուջեի մասին» ՀՀ օրենքի նախագծի քննարկումը:
Կոռուպցիայի կանխարգելման հանձնաժողովի անդամ Արամայիս Փաշինյանի խոսքով՝ հանձնաժողովը գալիք բյուջետային տարում իրականացնելու է «Կոռուպցիայի կանխարգելման համակարգի զարգացման ապահովում» ծրագիրը, որի շրջանակում իրականացվելու են «Կոռուպցիայի կանխարգելում եւ բարեվարքության համակարգի զարգացում» եւ «Կոռուպցիայի կանխարգելման հանձնաժողովի կարողությունների զարգացում եւ տեխնիկական հագեցվածության ապահովում» միջոցառումները:
Միջոցառումներն իրականացնելու համար համապատասխանաբար կհատկացվի 334 եւ 17 մլն դրամ:
2022-ին հանձնաժողովին ընդհանուր առմամբ հատկացվելու է մոտ 351 մլն դրամ, ինչն ընթացիկ տարվա հատկացումների համեմատ ավելացել է շուրջ 50 տոկոսով:
Արամայիս Փաշինյանի խոսքով՝ հանձնաժողովի աշխատակազմի թիվն ավելացել է, այն դեռեւս աճելու միտում ունի, ինչը պայմանավորված է հանձնաժողովին վերապահված գործառույթների մեծ ծավալով: «Հանձնաժողովի ծախսերը, կարիքները շատ ավելին են, սակայն դրանք փոխհատուցվում են մեր միջազգային գործընկեր կազմակերպությունների աջակցությունների շնորհիվ»,- ասել է նա:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться