• Armenianeconomy.com

3710 շահառու․ ամփոփվել են գարնանացան հացահատիկային, հատիկաընդեղեն և կերային մշակաբույսերի արտադրության խթանման պետական աջակցության ծրագրի արդյունքները

02 նոյեմբերի 2021 | Գյուղատնտեսություն | Цитата

Ընթացիկ տարվա փետրվարի 11-ին ՀՀ կառավարությունը հաստատել է Էկոնոմիկայի նախարարության կողմից ներկայացված Հայաստանի Հանրապետությունում գարնանացան հացահատիկային, հատիկաընդեղեն և կերային մշակաբույսերի արտադրության խթանման պետական աջակցության ծրագիրը:

Ծրագիրը մշակվել է որպես պետական աջակցության լրացուցիչ միջոցառում՝ մեղմելու ռազմական և արտակարգ դրության հետևանքով օգտագործվող արոտավայրերի կրճատման արդյունքում առաջացած անասնակերի ապահովման խնդիրները և բարձրացնելու պարենամթերքի ինքնաբավության մակարդակը։

Ծրագրով առաջարկվել է գարնանացան ցորենի, գարնանացան գարու, վարսակի, հաճարի, լոբու, ոսպի, ոլոռի, սիսեռի, առվույտի և կորնգանի էլիտա և/կամ 1-ին վերարտադրության հավաստագրված սերմերի գնի մասնակի սուբսիդավորում կամ փոխհատուցում։ Կառավարությունը սուբսիդավորել է սերմի գնի 50%-ը, իսկ սահմանամերձ շրջաններում՝ 70%-ը։ Արդյունքում տնտեսվարողներն ունեցել են ավելի ցածր գնով հավաստագրված սերմ ձեռք բերելու և ցանք կատարելու հնարավորություն (oր․՝ ցորենի առաջին վերարտադրության և էլիտա սերմի 1կգ-ի համար, որն արժեր  240-280 դրամ, ֆերմերները վճարել են համապատասխանաբար 120-140 դրամ, իսկ սահմանամերձ բնակավայրերում՝ 80-90 դրամ)։

Ծրագրից կարող էին օգտվել Հայաստանի բոլոր մարզերում 1.0-20․0 հա մակերեսով հացահատիկային և կերային մշակաբույսերի, ինչպես նաև 0.5-20.0 հա հատիկաընդեղենի ցանքատարածություններ մշակող տնտեսավարողները՝ պայմանով, որ նույն տնտեսավարողի կողմից մշակվող ցանքատարածությունների մակերեսների հանրագումարը չպետք է գերազանցի 20․0 հա–ը։ Ընդ որում, տնտեսվարողները սերմը կարող էին ձեռք բերել միայն այն մատակարարներից, որոնց վերաբերյալ տեղեկատվությունը հրապարակված է  նախարարության կայքում։

Նախարարությանը դիմած 18 մատակարար կազմակերպությունների հետ, որոնք նախապես ներկայացրել են անհրաժեշտ փաստաթղթերը,  մշակաբույսերի սորտերը և քանակները, կնքվել են սուբսիդավորման կամ փոխհատուցման պայմանագրեր։ Սերմերի վաճառքն իրականացվել է ընթացիկ տարվա մարտ-հունիս ամիսներին՝ շահառուի և մատակարարի միջև կնքված պայմանագրերով։ Հացահատիկային և կերային մշակաբույսերի դեպքում սերմերի ցանքն իրականացվել է մինչև հունիսի 1-ը, հատիկաընդեղեն մշակաբույսերի սերմերի ցանքը՝  մինչև հունիսի 10-ը։

Ծրագրից օգտվել է 3710 շահառու։ Ծրագիրն իրականացվել է Հայաստանի բոլոր մարզերում։

Ծրագրի իրականացման ամբողջ ընթացքում նախարարության կողմից տնտեսվարողներին տրամադրվել է մշակաբույսերի մշակության, ցանքաշրջանառության կիրառման և սերմերի ախտահանման վերաբերյալ անվճար խորհրդատվություն։

Պետության կողմից գումարները տրամադրվել են միայն վաճառված սերմերի դիմաց սուբսիդիա կամ փոխհատուցում ստանալու նպատակով մատակարարների և շահառուների կողմից նախարարություն ներկայացված դիմումների և կից փաստաթղթերի (սերմերի հավաստագրերի պատճեններ, ներմուծումը հավաստող փաստաթղթեր, տեղեկատվություն վաճառված սերմերի, ցանված մշակաբույսերի սորտերի սերմերի, քանակի վերաբերյալ և այլն)    ուսումնասիրությունից հետո։

Ծրագրի շահառուներին վաճառվել է․

  • 1374.2 տոննա գարնանացան գարու սերմ, ցանք է իրականացվել շուրջ 7515 հա հողատարածքում, պետության կողմից սուբսիդավորման գումարը կազմել է 206.3 մլն ՀՀ դրամ,
  • 514.3 տոննա կորնգանի սերմ, ցանք է իրականացվել շուրջ 5734 հեկտար հողատարածքում, պետության կողմից սուբսիդավորման գումարը կազմել է 190.3 մլն ՀՀ դրամ,
  • 262.3 տոննա վարսակի սերմ, ցանք է իրականացվել շուրջ 1625 հա հողատարածքում, պետության կողմից սուբսիդավորման գումարը կազմել է 37.2 մլն ՀՀ դրամ,
  • 130.1 տոննա գարնանացան ցորենի սերմ, ցանք է իրականացվել շուրջ 671 հա հողատարածքում, պետության կողմից սուբսիդավորման գումարը կազմել է 22.8 մլն ՀՀ դրամ,
  • 70 տոննա ոլոռի սերմ, ցանք է իրականացվել շուրջ 165 հեկտար հողատարածքում, պետության կողմից սուբսիդավորման գումարը կազմել է 22.8 մլն ՀՀ դրամ,
  • 2 տոննա առվույտի սերմ, ցանք է իրականացվել շուրջ 81 հա հողատարածքում, պետության կողմից սուբսիդավորման գումարը կազմել է 2.6 մլն ՀՀ դրամ,
  • 0.14 տոննա սիսեռի սերմ, ցանք է իրականացվել 1 հա հողատարածքում, պետության կողմից սուբսիդավորման գումարը կազմել է 60000 ՀՀ դրամ,
  • 1.5 տոննա ոսպի սերմ, ցանք է իրականացվել 10 հեկտար հողատարածքում, պետության կողմից սուբսիդավորման գումարը կազմել է 0.62 մլն ՀՀ դրամ:

Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Գյուղատնտեսություն
• Հայաստանը կրճատում է բույսերի հիվանդությունների եւ վնասատուների դեմ պայքարի ծրագիրը• Ցանկացողները հնարավորություն կունենան հացահատիկային մշակաբույսերը ապահովագրել նաև «երաշտ» ռիսկից• Ճամբարակում այս տարի բերքի տակ կլինի ընդհանուր վարելահողերի 35-40 տոկոսը• Հողօգտագործողներին մատչելի գներով ազոտական, ֆոսֆորական և կալիումական պարարտանյութերի ձեռքբերման աջակցության ծրագիրն ընթանում է բնականոն հունով• Գյուղատնտեսության ոլորտի պետական աջակցության ծրագրերից օգտվելու նպատակով Գեղարքունիքի մարզի բնակչության շրջանում իրականացվում են իրազեկման աշխատանքներ• Շիրակի մարզում բացվել է տոհմային ոչխարաբուծության նոր կենտրոն• ՀՀ կառավարությունը կսուբսիդավորի պարարտանյութերի գնի 50%-ը• Հայաստանում այս տարի կհամարակալվի և կհաշվառվի 800 հազար գլուխ խոշոր եղջերավոր կենդանի. ականջապիտակներին կլինի QR կոդ• Քննարկվել են գինեգործության ոլորտի զարգացման հեռանկարները

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն