ՀՀ պետական բյուջեի միջոցների հաշվին հիմնանորոգվել է Երեւան-Մարտունի-Վարդենիս միջպետական նշանակության ճանապարհի 1- կիլոմետրանոց ճանապարհահատվածը Մարտունի քաղաքի արեւելյան թեւում։
Ինչպես «Արմենպրես»-ին տեղեկացրեց Գեղարքունիքի մարզպետարանի քաղաքաշինության վարչության տրանսպորտի եւ ճանապարհաշինության բաժնի պետ Գեւորգ Խաչատրյանը, հիմնանորոգված ճանապարհի մակերեսը կազմել է շուրջ 8 500 քմ։ Հեռացվել է ասֆալտբետոնե հին շերտը, կատարվել է խճային հիմքի եւ երկշերտ ասֆալտբետոնե ծածկի տեղադրում՝ 6 եւ 4 սանտիմետր հաստությամբ։ Նույն ծրագրի շրջանակում հիմնանորոգվել է մեկ կամուրջ, որոշ հատվածներում կառուցվել են մայթեր։ Շինարարական աշխատանքներն իրականացրել են «Շանթ-Սեյրան» ՍՊԸ ճանապարհաշինարարները։ Աշխատանքները, որոնք մեկնարկել էին 2021 թվականի սեպտեմբերից, հոկտեմբերի 25-ի դրությամբ գտնվում են ավարտական փուլում։
«Ճանապարհաշինական պետական սույն ծրագրով նախատեսված է հիմնանորոգել Երեւան-Մարտունի-Վարդենիս միջպետական ճանապարհի 5,9-կիլոմետրանոց հատվածը, որը սկսվում է Մարտունի քաղաքի արեւելյան եզրից եւ հասնում մինչեւ Զոլաքարի հատված։ Այս տարվա ծրագրում նախատեսվել էր 1-կիլոմետրանոց հատվածը, որի շինարարությունը գտնվում է ավարտական փուլում։ Մնացած աշխատանքները կշարունակվեն եկող տարվա ընթացքում»,- նշեց Գեւորգ Խաչատրյանը։
Խոսրով Խլղաթյան
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться