• Armenianeconomy.com

Մարդկանց թրաֆիքինգի դեմ պայքարում ջանքերի և ռեսուրսների համատեղում․ հուշագիր՝ ԱՍՀՆ և «Վորլդ Վիժն Հայաստան» հկ-ի միջև

18 հոկտեմբերի 2021 | Տնտեսություն | Цитата

Աշխատանքի և սոցիալական հարցերի նախարար Նարեկ Մկրտչյանն ընդունել է «Վորլդ Վիժն Հայաստան» բարեգործական կազմակերպության ներկայացուցիչներին։ Կարևորելով միջազգային գործընկերների հետ կառուցողական ու արդյունավետ համագործակցությունը՝ նախարարը բարձր է գնահատել կազմակերպության դերը սոցիալական պաշտպանության ոլորտում իրականացվող բարեփոխումների գործընթացում․ «Վորլդ Վիժնի հետ համագործակցությունը բազմավեկտոր է, որի շրջանակում առանձնակի կարևորում ենք երեխաների խնամքի և պաշտպանության, համայնքահեն ծառայությունների մատուցման, աղքատության փուլային հաղթահարման և մի շարք այլ գործընթացներում համատեղ ջանքերի ներդրումը»։

Հանդիպման ընթացքում Նարեկ Մկրտչյանը գործընկերներին ներկայացրել է նաև զբաղվածության  ոլորտի զարգացման ծրագրերը՝ հույս հայտնելով, որ նախարարությունը հանրության կողմից կդիտարկվի նաև երիտասարդների  զբաղվածությունն ակտիվացնող, աշխատաշուկան զարգացնող գերատեսչություն։

«Վորլդ Վիժն Հայաստան» բարեգործական կազմակերպության ծրագրերի տնօրեն Րաֆֆի Դուդակլյանը ևս շնորհակալություն է հայտնել փոխշահավետ, լայնածավալ ու բազմաշերտ համագործակցության ու արձանագրված արդյունքների համար։ Նա կարևոր ձեռքբերում է համարել նաև մարդկանց թրաֆիքինգի դեմ պայքարում իրագործված աշխատանքները, որոնց արդյունքում ԱՄՆ պետդեպարտամենտի կողմից վերջերս հրապարակված զեկույցում Հայաստանը առաջընթաց է գրանցել։ Համագործակցության արդյունքում  իրականացվել են  նաև ընտանիքների հետ վերամիավորված երեխաների կյանքի որակի բարձրացմանն ուղղված աշխատանքներ․ տարբեր մարզերի կյանքի դժվարին իրավիճակում հայտնված շուրջ 1,300 երեխա գնահատված կարիքի հիման վրա ստանում է ցերեկային խնամքի ծառայություններ իրենց համայնքում։

Րաֆֆի Դուդակլյանը պատրաստակամություն է հայտնել շարունակել ամուր հիմքերի վրա դրված համագործակցությունն՝ ունեցած փորձը, հմտություններն ու կարողությունները ծառայեցնելով հանուն սոցիալական պաշտպանության ոլորտում իրականացվող բարեփոխումների։

Հանդիպման ավարտին կողմերի միջև ստորագրվել է հուշագիր, որի շրջանակում նախատեսվում է մարդկանց թրաֆիքինգի դեմ պայքարում համատեղել ջանքերն ու ռեսուրսներն՝ օրենսդրության կատարելագործման ու ներդաշնակեցման, նոր ինստիտուցիոնալ մեխանիզմների ներդրման ու հզորացման, ինչպես նաև մարդկանց թրաֆիքինգի և շահագործման ենթարկված անձանց վերաբերյալ տվյալների էլեկտրոնային համակարգի ստեղծման գործում։


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Տնտեսություն
• Հայաստանում գնումների համակարգը կբարելավվի. Ֆինանսների նախարարությունը մշակվում է հայեցակարգ• Լրացուցիչ եկամուտներ` համայնքային բյուջեներին• Վահան Քերոբյանի գլխավորած պատվիրակությունը Մինսկում մի շարք հանդիպումներ և այցեր է ունեցել• Վարչապետը ներկա է գտնվել նոր էլեկտրակայանի բացման արարողությանը• Ստորագրվել է կառավարության աջակցության համաձայնագիր՝ 200 մեգավատ հզորությամբ ֆոտովոլտային էլեկտրակայանի կառուցման վերաբերյալ• ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ• ՊԵԿ. ՀԱՆՐԱՊԵՏՈՒԹՅԱՆ ԱՄԲՈՂՋ ՏԱՐԱԾՔՈՒՄ ՁԵՌՆԱՐԿՎԵԼ ԵՆ ՀԱՄԱԼԻՐ ՕՊԵՐԱՏԻՎ-ՀԵՏԱԽՈՒԶԱԿԱՆ ՄԻՋՈՑԱՌՈՒՄՆԵՐ• Երեխաների խնամքի ցերեկային ծառայություններ՝ Սյունիքի, Լոռու և Գեղարքունիքի մարզերում• ՏՏ ոլորտում համաշխարհային ներդրման համար 2020 թ. ՀՀ պետական մրցանակը շնորհվեց «Սինոփսիս» ընկերության նախագահին

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն