• Armenianeconomy.com

ԵԱՏՄ անդամ երկրների պետական գնումներին մասնակցության եւ շուկաների հասանելիության հիմնախնդիրները պատգամավորների ուշադրության կենտրոնում էին

11 հոկտեմբերի 2021 | Օրենսդրություն, Աշխատանքային | Цитата

ՀՀ ԱԺ տարածաշրջանային եւ եվրասիական ինտեգրման հարցերի մշտական հանձնաժողովի հոկտեմբերի 11-ի նիստում Արմեն Գեւորգյանի նախագահությամբ քննարկվել է «Եվրասիական տնտեսական միության անդամ երկրների պետական գնումներին մասնակցության եւ շուկաների հասանելիության արդի հիմնախնդիրները ՀՀ գործարարների համար» հարցը:

ՀՀ էկոնոմիկայի նախարարի տեղակալ Վարոս Սիմոնյանը նշել է, որ 2020 թ. նոյեմբերին ընդունված որոշման համաձայն՝ ԵԱՏՄ անդամ պետությունների բոլոր տնտեսվարող սուբյեկտները պետք է ունենան հավասար իրավունքներ պետական եւ մունիցիպալ գնումներին մասնակցության համար: Այս հարցում մեր տնտեսվարողները չեն ունեցել համահավասար իրավունք, ինչպես ՌԴ տնտեսվարողները եւ որոշում է կայացվել 10 խոշոր ոլորտներում ԵԱՏՄ անդամ երկրների տնտեսվարողներին տալ համահավասարության իրավունք: Որոշակի ծագման կանոններ են խստացվել ու հստակեցվել, մասնակցության իրավունք ստանալու համար որոշակի պայմաններ են սահմանվել, հատուկ ռեեստր է գործում: Վերոնշյալ ոլորտներն են՝ հաստոցաշինություն, մեքենաշինություն, կահույքի եւ փայտամշակման արդյունաբերություն, երկաթուղային մեքենաշինություն, կոմպրեսորային եւ սառնարանային արտադրություն, թեթեւ քիմիական արդյունաբերություն եւ նավաշինություն: Ըստ փոխնախարարի՝ մեր երկիրը թեեւ չունի նման արտադրական հզորություններ, սակայն մեր կողմից սա օգտագործվում է նաեւ ռազմավարական դիրքավորման տեսանկյունից՝ որպես ներդրումների ներգրավման միջոց:

Նշվել է, որ մի շարք աշխատանքներ ենք իրականացվել, այդ թվում՝ իրազեկման, տնտեսվարողներին ներկայացվել է ընթացակարգը:

Պատգամավորների հարցերն առնչվել են գնումների ընթացակարգերին, ԵԱՏՄ շուկայում հայկական արտադրանքի մրցունակության բարձրացմանն ուղղված քայլերին, տեխնիկական կարգավորումներին, հայկական ընկերությունների՝ ԵԱՏՄ անդամ երկրների պետական գնումներին մասնակցության վիճակագրությանը, որոնց առնչությամբ պարզաբանումներ են ներկայացրել Վարոս Սիմոնյանը եւ ՀՀ ֆինանսների նախարարի տեղակալ Ավագ Ավանեսյանը: Նշվել է, որ հայկական ընկերությունները մրցույթներում հաղթող են ճանաչվում հիմնականում Բելառուսում եւ Ռուսաստանում, իսկ Հայաստանում՝ ՌԴ տնտեսվարող սուբյեկտները:

Հանձնաժողովի նախագահ Արմեն Գեւորգյանի գնահատմամբ՝ ԵԱՏՄ համատեքստում այս ուղղությունը մեծ ներուժ ունի եւ պետք է ջանքեր գործադրվեն, որ մեր գործարարներն այս հնարավորությունից լիարժեք օգտվեն: Արմեն Գեւորգյանը բարձրացրել է, մասնավորապես, բանկային երաշխիքի, ապրանքի ծագման եւ էլեկտրոնային ստորագրության խնդիրները՝ նշելով, որ դրանք լուրջ խոչընդոտներ են գործընթացի ամբողջական կազմակերպման համար: Նշվել է, որ հանձնաժողովի անդամներից ստացված գրավոր առաջարկները կամփոփվեն եւ կուղարկվեն Կառավարություն:

 


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Օրենսդրություն
• ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ ՓԵՏՐՎԱՐԻ 5-Ի N 117-Ն ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ• «Հայաստանի Հանրապետության կառավարության 2011 թվականի հուլիսի 14-ի N 1024-Ն որոշման մեջ փոփոխություններ և լրացումներներ կատարելու մասին» ՀՀ կառավարության որոշման նախագիծ• Ե՞րբ և ո՞ր դեպքերում է վերահաշվարկվում աշխատանքային կենսաթոշակը• Մեկնարկել է Tech2Life նախաձեռնությունը • Հիփոթեքային վարկի սպասարկման համար վճարված գումարի չափով վճարված եկամտային հարկի գումարների վերադարձման դիմումները հնարավոր է ներկայացնել նաև Էլեկտրոնային եղանակով• Ընդլայնվել է իրական շահառուի վերաբերյալ հայտարարագիր ներկայացնողների շրջանակը․ ովքե՞ր և ի՞նչ ժամկետում պետք է ներկայացնեն հայտարարագիրը• «Հայաստանի Հանրապետության բարձրագույն ուսումնական հաստատությունների բակալավրի ու անընդհատ և ինտեգրացված կրթական ծրագրերով (առկա, հեռակա) 2022/2023 ուսումնական տարվա մասնագիտությունների և ընդունելության քննությունների ցանկը հաստատելու մասին» Հայաստանի Հանրապետության կառավարության որոշման նախագիծ• ԵԽԽՎ լիագումար նստաշրջանում քննարկվել է Հայաստանի համար հետաքրքրություն ներկայացնող երկու զեկույց• ՀՀ-ՈՒՄ ՄՇՏԱԿԱՆ ՀԱՍՏԱՏՈՒԹՅՈՒՆ ՉՈՒՆԵՑՈՂ ՈՉ ՌԵԶԻԴԵՆՏ ԿԱԶՄԱԿԵՐՊՈՒԹՅՈՒՆՆԵՐԻ՝ ՖԻԶԻԿԱԿԱՆ ԱՆՁԱՆՑ ՄԱՏՈՒՑՎՈՂ ԷԼԵԿՏՐՈՆԱՅԻՆ ԾԱՌԱՅՈՒԹՅՈՒՆՆԵՐԸ ԿՀԱՐԿՎԵՆ ԱԱՀ-ՈՎ

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն