• Armenianeconomy.com

Կայացել է Հայաստանի հավատարմագրման համակարգի զարգացմանն ուղղված Թվինինգ ծրագրի մեկնարկային համաժողովը

25 սեպտեմբերի 2021 | Տնտեսություն | Цитата

Սեպտեմբերի 24-ին Երևանում կայացել է «Ստեղծել պայմաններ Հավատարմագրման եվրոպական համագործակցության կողմից Հայաստանի հավատարմագրման համակարգի ճանաչման համար» խորագիրը կրող «Թվինինգ» ծրագրի մեկնարկային համաժողովը։

Համաժողովին մասնակցել են ՀՀ էկոնոմիկայի նախարարության, Եվրոպական միության, Հայաստանում ԵՄ պատվիրակության պաշտոնյաներ, ինչպես նաև Հայաստանում հավատարմագրման և համապատասխանության գնահատման ոլորտներում գործունեություն իրականացնող կազմակերպությունների ներկայացուցիչներ։

Ծրագրի նպատակներն են՝ Հայաստանի հավատարմագրման համակարգի oրենսդրական դաշտի մոտարկումը ԵՄ օրենսդրությանը, ՀՀ Հավատարմագրման ազգային մարմնի կարողությունների բարելավումը, հավատարմագրման ոլորտում միջազգային համագործակցությունը։ 

Եվրամիության և Հայաստանի միջև հավատարմագրմանն առնչվող տարբերությունների նվազեցումը և միջազգային մակարդակով համաձայնեցված որակի գործիքների կիրառման խրախուսումը ռազմավարական կարևոր քայլ է՝ փոխադարձ առևտրի խթանման և արտահանման շուկաների ընդլայնման համար։

Մասնավորապես, ծրագրի իրականացման արդյունքում կամրապնդվի ՀՀ Հավատարմագրման ազգային մարմնի կարողությունը՝ բավարարելու համար Հավատարմագրման եվրոպական համագործակցության հետ ասոցացման անդամակցության պայմաններին, ինչը կօգնի ձեռք բերել Հավատարմագրման եվրոպական համագործակցության երկկողմ համաձայնագրերի ստորագրող կողմի կարգավիճակ։  

Ողջունելով համաժողովի մասնակիցներին՝ ՀՀ էկոնոմիկայի նախարարի տեղակալ Արման Խոջոյանը նշել է, որ «Թվինինգ» ծրագիրը հնարավորություն է ընձեռում զարգացնել ու ամրապնդել Հայաստանի Հավատարմագրման ազգային մարմնի կարողությունները՝ համապատասխանեցնելով դրանք միջազգային չափանիշներին։  Նա համոզմունք է հայտնել, որ իրականացվող միջոցառումները կնպաստեն առևտրում տեխնիկական խոչընդոտների նվազեցմանը, հայկական ապրանքների արտահանման խթանմանը, նաև ծառայությունների բարձր որակի ապահովման շնորհիվ կբարձրանա համապատասխանության գնահատման գործունեության արդյունքների նկատմամբ սպառողների վստահությունը։ 

Միջոցառմանը ողջույնի խոսքով հանդես են եկել համագործակցության նախագահ Ֆրենք Հենսը (Հայաստանում ԵՄ պատվիրակություն), Հայաստանի Հանրապետությունում Գերմայիայի Դաշնության փոխդեսպան  Կլաուս Վենդելբերգերը, ԵՄ անդամ պետությունների ծրագրի ղեկավար (Գերմանիայի հավատարմագրման մարմին/ DAkkS) Թոմաս Ֆաքլամը, Հայաստանի Հանրապետության «Հավատարմագրման ազգային մարմին» ՊՈԱԿ տնօրեն Անի Օբոսյանը և այլոք։

Միջոցառման խոսնակները հույս են հայտնել, որ ծրագրի շրջանակում գործընկերությունը կլինի արդյունավետ և համատեղ ուժերով կգտնվեն հավատարմագրման ոլորտի խնդիրների ճիշտ լուծումների ուղիները։ Արդյունքում կբարելավվեն Հայաստանի հավատարմագրման համակարգի ինչպես տեխնիկական կարողությունները, այնպես էլ իրավական և օրենսդրական դաշտը։ Նշվել է նաև, որ ծրագրի իրականացումն էլ ավելի կմոտեցնի  Հայաստանին ԵՄ հավատարմագրման համակարգին։

Համաժողովի ընթացքում Գերմանիայի և Իտալիայի հավատարմագրման մարմինների ղեկավարները առցանց եղանակով ներկայացրել են հավատարմագրման միջազգային ճանաչման ուղին։

Հայաստանի Հանրապետության «Հավատարմագրման ազգային մարմին» ՊՈԱԿ տնօրեն Անի Օբոսյանը և ԵՄ անդամ պետությունների ծրագրի ղեկավար Թոմաս Ֆակլամը ստորագրել են Ծրագրի նախնական աշխատանքային պլանը և Հաղորդակցման և տեսանելիության ապահովման պլանը։

Թվինինգ ծրագրի աշխատանքները մեկնարկել են 2021թ․ հունիսին և կշարունակվեն 18 ամիս։ Ծրագրի արժեքը 700,000 եվրո է, այն ֆինանսավորվում է Եվրոպական Միության կողմից։

Ծրագիրը կոչված է աջակցելու ԵՄ-Հայաստան համապարփակ և ընդլայնված գործընկերության համաձայնագրի (ՀԸԳՀ/CEPA) իրականացմանը՝ Հայաստանի հավատարմագրման և համապատասխանության գնահատման միջազգայնորեն ընդունված համակարգի ամրապնդման տեսանկյունից՝ դիտարկելով դրանք որպես որակի ազգային ենթակառուցվածքի հիմնասյուներ։ 

«Թվինինգ» ծրագիրն  իրականացվում է Գերմանաիտալական կոնսորցիումի գլխավորությամբ, որը ներկայացնում է ԵՄ անդամ պետությունների (ԱՊ) պետական հաստատությունները և հավատարմագրման ազգային մարմինները։

 


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Տնտեսություն
• Պարտքի էական նվազեցում, հարկային եկամուտների աճ, 7 % տնտեսական աճ. նախարարը խոսել է 2022-ի բյուջեի նախագծից• ՊԵԿ.ԿԱՏԱՐԵԼԱԳՈՐԾՎՈՒՄ Է ԱԱՀ ՎԵՐԱԴԱՐՁԻ ՄԵԽԱՆԻԶՄԸ• Մարդկանց թրաֆիքինգի դեմ պայքարում ջանքերի և ռեսուրսների համատեղում․ հուշագիր՝ ԱՍՀՆ և «Վորլդ Վիժն Հայաստան» հկ-ի միջև• «Standard & Poor’s»-ի կողմից Հայաստանին B+ վարկանիշի շնորհումը մեծացնում է Կառավարության, քաղաքացիների և մասնավոր հատվածի տնտեսական հնարավորությունները. Վարչապետի անդրադարձը Կառավարության նիստում • ՀՀ կառավարությունը և «Էյր Արաբիան» ներդնում են 10-ական մլն դոլար և հիմնադրում հայկական ազգային ավիափոխադրող• ՊԵԿ-ը հավաքագրել է ռեկորդային հարկային եկամուտ• Մեր մտքում ունենք Չաբահարի նավահանգիստը Սև ծովին կապելու կարևոր հանգույց դառնալու գաղափարը. Արմեն Գրիգորյան• Տիգրան Խաչատրյանը գերմանացի գործընկերներին է ներկայացրել Կառավարության հնգամյա ծրագիրը • Standard&Poors-ն առաջին անգամ վարկանշել է ՀՀ կառավարությանը եւ շնորհել սուվերեն վարկանիշ «դրական» հեռանկարով

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն