ՀՀ բարձր տեխնոլոգիական արդյունաբերության նախարար Վահագն Խաչատուրյանը սեպտեմբերի 17-ին ընդունել է Պորտուգալիայի արտաքին առևտրի և ներդրումների գործակալության պատվիրակության ներկայացուցիչներին՝ գործակալության նախագահ Լուիս Կաստրո Հենրիքսի գլխավորությամբ։ Հանդիպմանը ներկա էր նաև Պորտուգալիայում ՀՀ արտակարգ և լիազոր դեսպան Կարեն Նազարյանը։
Նախարարը ողջունել է հյուրերին, ծանոթացրել է նախարարության հիմնական գործառույթներին՝ շեշտադրելով տեխնոլոգիական արդյունաբերության զարգացման և նախարարության կողմից իրականացվող նորարարական, կրթական, ինչպես նաև պետություն֊ մասնավոր հատված գործընկերությամբ իրականացվող և մի շարք այլ ծրագրեր։ Վահագն Խաչատուրյանը կարևորել է նաև թվայնացման ոլորտում իրականացվող գործընթացները, ներկայացրել էլեկտրոնային կառավարման ուղղությամբ կատարված աշխատանքները և դրանցում Եվրամիության ունեցած կարևոր դերն ու էական աջակցությունը։
Լուիս Հենրիքսը շնորհակալություն է հայտնել ընդունելության համար, շնորհավորել է նախարարին պաշտոնի ստանձնման կապակցությամբ, ներկայացրել է իրենց գործունեության շրջանակներն ու ուղղությունները, որտեղ իր առանձնահատուկ դերն ունի բարձր տեխնոլոգիաների ոլորտը։ Նա ընդգծել է նաև Պորտուգալիայում Google-ի և Facebook-ի ծավալած հաջող գործունեության մասին։
Նշվել է նաև, որ Գործակալությունը կառավարությանը կից գործող բիզնես կազմակերպություն է, որի նպատակն է խրախուսել լավագույն մրցունակ օտարերկրյա ընկերություններին՝ ներդրումներ կատարելու Պորտուգալիայում և նպաստելու արտերկրում պորտուգալական ընկերությունների հաջողություններին:
Հանդիպման ընթացքում քննարկվել են համագործակցության մի շարք ուղղություններ՝ մասնավորապես թվայնացման, ստարտափների զարգացման, տեխնոլոգիական արդյունաբերության բնագավառներում։ Վահագն Խաչատուրյանը նշել է, որ գործակցության բազմաթիվ հնարավորություններ է տեսնում, և նախարարությունը պատրաստակամ է ակտիվացնել համագործակցությունը քննարկված բոլոր ուղղություններով։
Հանդիպման ավարտին նախարար Վահագն Խաչատուրյանն անդրադարձել է նաև երկու ժողովուրդների միջև ձևավորված ջերմ հարաբերություններին՝ դրանցում հատկապես ընդգծելով հայազգի անվանի բարերար Գալուստ Գյուլբենկյանի դերն ու նշանակությունը։
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться