ՀՀ բարձր տեխնոլոգիական արդյունաբերության նախարար Վահագն Խաչատուրյանը սեպտեմբերի 6-ին ընդունել է Գերմանիայի միջազգային համագործակցության ընկերության (ԳՄՀԸ,GIZ) հայաստանյան գրասենյակի ղեկավար Մադլեն Ռաուշենբերգերի գլխավորած պատվիրակությանը:
Ողջունելով հյուրերին՝ նախարար Խաչատուրյանը նշել է, որ քաջատեղյակ է ընկերության գործունեությանը և հեռանկարում ակնկալում է արդյունավետ և փոխշահավետ համագործակցության զարգացում:
Մադլեն Ռաուշենբերգերը շնորհավորել է ԲՏԱ նախարարին նման պատասխանատու պաշտոն ստանձնելու կապակցությամբ և պատրաստակամություն հայտնել քննարկելու համագործակցության խորացման հնարավորությունները։ ԳՄՀԸ գրասենյակի ղեկավարը ներկայացնելով ԳՄՀԸ աշխատանքները, նշել է, որ ընկերությունը շուրջ երկու տասնամյակ ակտիվ գործունեություն է իրականացնում հայ-գերմանական տեխնիկական համագործակցության ուղղությամբ։ Նա նաև հավելել է, որ տեխնոլոգիաների ու մարզերում նորարարական տուրիզմի զարգացման նպատակով ԳՄՀԸ-ն նախատեսում է շուրջ 40 մլն եվրո դրամաշնորհ հատկացնել Հայաստանին:
Անդրադառնալով Հայաստանի տեխնոլոգիական ոլորտում փոխգործակցության հեռանկարներին՝ Ռաուշենբերգերը ընդգծել է, որ ԳՄՀԸ-ի կողմից աջակցություն կտրամադրվի նորարարական տեխնոլոգիական բիզնեսի, ձեռնարկատիրական էկոմահամակարգերի, ստարտափների զարգացմանը միտված համատեղ ծրագերի իրականացման համար:
Հանդիպման ընթացքում Վահագն Խաչատուրյանը ներկայացրել է տեղական արտադրության խթանմանն ուղղված ՀՀ կառավարության մոտեցումը և հավելել, որ Գերմանիայի տնտեսության մոդելը կարող է շատ օրինակելի լինել մեր երկրի համար: Նախարարը նաև կարևորել է Գերմանիայի փորձը թվայնացման ոլորտում, նշել, որ նախարարությունը ներկայումս իրականացնում է պետական կառավարման համակարգի էլեկտրոնային ծառայությունների թվայնացման ստանդարտների մշակման և ներդրման աշխատանքներ, և այս առումով փոխգործակցության լուրջ հեռանկարներ է տեսնում:
Կողմերը քննարկել են նաև գերմանական տեխնոլոգիական ընկերությունների և Երևանի «Ինժեներական քաղաք»-ի միջև համագործակցության հնարավորությունները, պատրաստակամություն հայտնել շարունակելու և խորացնելու գործակցությունը Նախարարության և ԳՄՀԸ-ի միջև։
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться