Բաղրամյան համայնքում շինարարական մի շարք աշխատանքներ են իրականացվում

Բաղրամյան համայնքում շինարարական ակտիվ եռուզեռ է, այստեղ համայնքի զարգացմանն ուղղված մի շարք ծրագրեր են իրականացվում:

Արդեն սկսվել և ընթացքի մեջ են Կառավարության 2021 թվականի սուբվենցիոն ծրագրով համայնքի շուրջ 615 գծամետր երկարությամբ ոռոգման ջրագծի վերակառուցման աշխատանքները:

Ծրագրի արժեքը 20 միլիոն 500 հազար ՀՀ դրամ է, որի 55%-ը հատկացնում է Կառավարությունը, 45%-ը՝ համայնքը:

Կրկին Կառավարության աջակցությամբ կարևորագույն խնդիր է լուծվում նաև համայնքի մանկապարտեզում: Հիմնանորոգվում են կառույցի՝ անմխիթար վիճակում գտնվող սանհանգույցներն ու դահլիճը: Շինարարական աշխատանքների համար հատկացվել է 5 միլիոն ՀՀ դրամ:

Մարզպետարանի աջակցությամբ էլ ամբողջովին վերանորոգվում են դպրոցի՝ խարխուլ վիճակում գտնվող սանհանգույցները: Ամբողջությամբ փոխվում են խմելու ջրագծերն ու կոյուղին:

ararat.mtad.am